قىزىلوردالىق شارۋالار تۇيەنىڭ ءجۇنىن وتكىزەتىن جەر تابا الماي ءجۇر
وڭىردە قازىر 40 مىڭنان استام تۇيە بار. ارال مەن قازالى اۋداندارىندا شۇبات ساۋداسىن دامىتۋ ءىسى قولعا الىندى. ال، ءجۇن مەن تەرى كادەگە جاراماي، قوقىسقا كەتىپ جاتىر. ساۋساڭ سۋسىن، جەسەڭ ازىق، مىنسەڭ كولىك ويسىلقارا تۇقىمى تەڭىزدەن جىراق قونىستانعان قازالى مەن ارال جۇرتىن اسىراپ وتىر.
2004 -جىلى «سىباعا» باعدارلاماسىمەن 10 ميلليون تەڭگەگە ءمۇيىزدى ءىرى قارا الىپ، مال شارۋاشىلىعىنا بەت بۇرعان قونىسباي نيەتالييەۆ بىلتىردان بەرى تۇيەنى كوبەيتۋگە كوشكەن. ويتكەنى قوس وركەشتى ءۇي جانۋارى كۇي تالعامايدى، شولگە شىدامدى. مەملەكەتتىك باعدارلاما ارقىلى تاعى 30 ميلليون تەڭگەگە قول جەتكىزگەن شارۋا قوراسىندا 36 باس ىنگەن مەن 2 بۋرا بايلاپ وتىر. قوجالىقتا 10 ادام جۇمىسپەن قامتىلعان.
قونىسباي نيەتاليەۆ، شارۋا قوجالىعىنىڭ ءتوراعاسى:
- 10 جىلدا قايتارۋىمىز كەرەك، 2 جىل كانيكۋل. جالپى اۋىل شارۋاشىلىعىن قولداۋ قورىنان العان قارجى بىزگە ۇلكەن كومەك بولىپ تۇر. مال باسىن ءوسىرۋ ءۇشىن ونىڭ ىشىندە تۇيە، جىلقى بار. - پەن بەردى،% 10 ءىن سۋبسيديا جاسايدى ۇكىمەت. ەرتە كوكتەمدە بوتالاعان 15 ىنگەن كۇنىنە 3 رەت ساۋىلىپ، 30-40 ليتر ءسۇت بەرەدى. شارۋا شۇباتتىڭ ءليترىن 800 تەڭگەدەن اۋدان ورتالىعىنا وتكىزەدى. جارتى توننا تارتاتىن تۇلىك ەتىنىڭ كەلىسىن 2 مىڭ تەڭگەدەن ساتادى. ەندى تۇيەنىڭ ءتۇبىتىن تازالاپ، وڭدەتەيىن دەسە، ءجۇن مەن تەرىنى قابىلدايتىن جەر جوق.
قونىسباي نيەتاليەۆ، شارۋا قوجالىعىنىڭ ءتوراعاسى:
- جۇنگە دە، تەرىگە دە سۇرانىس از بولىپ تۇر عوي. «تەرى- ءجۇندى الىپ جاتىر» دەگەندى ەستىپ جاتىرمىز. سول كىسىلەر كەلسە وتكىزەمىز، ءبىراق نەگىزى بەلگىلەپ قويعان الۋشى ادام جوق. ءجۇندى 700 تەڭگە قابىلدايمىز دەگەن بولجام باعا بار. تۇيە مالىنىڭ ءوزىنىڭ قيىندىعى بار. قۇرتتايدى، بيتتەيدى، جوعالادى، ىزدەۋى بار، ءتۇرلى اۋرۋى بار. سونىڭ بارىنە شارا قولدانىپ، ۆەتەرينارلار جۇمىس جاسايدى.
ماۋلەن قايرۋللايەۆ، ارىق بالىق اۋىلدىق وكرۋگىنىڭ اكىمى:
- جالپى ول پروبلەمالاردى شەشۋدىڭ بىردەن- ءبىر جولى ول - كووپەراتيۆ. كووپەراتيۆ قۇرىپ، ءارى قاراي مەملەكەتتىك باعدارلامالار ارقىلى قويدىڭ، تۇيەنىڭ ءجۇنى مەن تەرىسىن ءىرى كاسىپورىندارعا وتكىزەتىن وپەراتورلاردى قۇرۋ ارقىلى جۇزەگە اسىرساق دەگەن جوسپارىمىز بار.
سىربويىلىقتار كاسىپكەرلىككە جاسالىپ جاتقان قولداۋدى ءتيىمدى پايدالانىپ، اتا كاسىپتى العا وزدىرعىسى كەلەدى. تۇرعىنداردان ءوتىنىم كوبەيگەندىكتەن، قارجىلاندىرۋ كولەمى % 60 كە ۇلعايتىلدى.
ەرلان ساعيدولدين، «اۋىل شارۋاشىلىعىن قارجىلاي قولداۋ قورى» اق فيليال ديرەكتورى:
- 2021 -جىلى «ەڭبەك» باعدارلاماسى بويىنشا 700 ميلليون تەڭگە تولىق يگەرىلدى، قوسىمشا 2,5 ميلليارد تەڭگە شاماسىندا قاراجات كۇتىپ وتىرمىز. ال مال شارۋاشىلىعىن دامىتۋعا قوردىڭ ءوز قاراجاتى ەسەبىنەن 1 ميلليارد 400 ميلليون تەڭگە قاراستىرىلعان. باعدارلامانىڭ كەلەسىدەي باستى تالاپتارى بار. ول - قارىز الۋشىنىڭ تولەم قابىلەتتىلىگى، كەپىلزاتتىڭ بولۋى، وڭ نەسيە تاريحى، جۇمىسپەن قامتۋ ورتالىعىنان جولداما الۋ جانە «باستاۋ بيزنەس» سەرتيفيكاتى بولۋى قاجەت.
«ەڭبەك» باعدارلاماسى اياسىندا ەگىن شارۋاشىلىعى جانە كاسىپكەرلىك ماقساتىنداعى تەحنيكالاردى الۋعا دا قارجىلاي قولداۋ قاراستىرىلعان. كوپ بالالى جانە از قامتىلعان وتباسىلار ءۇشىن نەسيە %4 پەن بەرىلەدى.