قازاقستاندا ۆاكسيناتسيا قارقىنى تومەندەدى
«ساۋىردە ۆاكسيناتسيا قارقىنى تاۋلىگىنە 100 مىڭنان اسقان ەدى. بۇگىندە بۇل سيفر تاۋلىگىنە 30 مىڭنان 60 مىڭعا دەيىنگى ارالىقتى قۇرايدى. دەگەنمەن، ءبىز مينيسترلىكتىڭ ءبىرىنشى كەزەكتەگى مىندەتى حالىقتىڭ ۆاكسينا الۋى مۇمكىندىگىن قامتاماسىز ەتۋ ەكەندىگىن تۇسىنەمىز. قازىر حالىقتىڭ ۆاكسينا الۋداعى بەلسەندىلىگى تومەندەگەنى بايقالادى. بۇل ەڭ الدىمەن مامىرداعى مەرەكەلەرىنىڭ ۇزاقتىعىمەن بايلانىستى بولعان دا شىعار. قالاي دەگەندە دە حالىقتىڭ تۇسىنىستىك پەن بەلسەندىلىك تانىتاتىندىعىنا ءۇمىت ارتامىز جانە وڭىرلەردە مەديتسينا قىزمەتكەرلەرىمەن، ەمحانالارمەن، بيزنەسپەن اقپاراتتىق ءتۇسىندىرۋ جۇمىستارىن كۇشەيتەمىز. بۇل ادامداردى كەڭىنەن قامتۋ، بۇعان دەيىن جاريا ەتكەن جوسپارىمىزدى ورىنداۋ ءۇشىن جاسالادى»، - دەدى ءبىرىنشى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
سونىمەن قاتار ول ەمحانالاردا ۆاكسينانىڭ كەيبىر تۇرلەرىنىڭ جەتىسپەۋشىلىگىنە قاتىستى ماسەلەگە وراي تۇسىندىرمە بەردى.
«ۆاكسينا الۋعا باراتىن ادامدارعا ءبىز بىرنەشە مارتە قولدا بار ۆاكسينانى ەكتىرۋگە كەڭەس بەرگەن ەدىك»، - دەدى مارات شورانوۆ.
اۆتور: مارلان جيەمباي