نۇرا وزەنىندە بالىقتىڭ قىرىلۋ سەبەبى انىقتالدى

نۇر-سۇلتان. قازاقپارات - «قازگيدرومەت» ماماندارى نۇرا وزەنى سۋىنداعى وتتەگى مولشەرى نورماعا تۇسكەنىن مالىمدەدى، دەپ حابارلايدى قازاقپارات ءتىلشىسى.

«قازگيدرومەت» زەرتحاناسىنىڭ ماماندارى اقمولا وبلىسىنىڭ تايتوبە كەنتىندە نۇرا وزەنىندەگى بالىقتاردىڭ قىرىلۋىنا بايلانىستى 8- مامىر كۇنى وزەن ارناسىنىڭ 3 تۇسىنان سۋدان سىناما الىپ، زەرتتەگەن بولاتىن.

اتالعان سىنامالار سۋداعى امموني مەن يون مولشەرىنىڭ نورمادان ارتقانىن كورسەتكەن.

13- مامىرداعى مالىمەتكە سايكەس، سۋ سىناماسى نورما شەگىنە ورالعان.

«بۇگىن بەسىنشى تاۋلىك قاتارىنان بيوحيميالىق تالداۋلار وزەن سۋىنداعى وتتەگى مولشەرى نورما شەگىندە (0,8-1,0 م گ/د م3) تۇرعانىن كورسەتتى»، - دەپ جازىلعان «قازگيدرومەت» مالىمەتىندە.