«الماتىداعى مەكتەپتەر مەن بالاباقشالارعا بەينەباقىلاۋ كامەرالارىمەن جابدىقتالعان. قازىر ءبارى نازارعا الىندى. دەسەكتە، زەرتتەۋلەر كورسەتكەندەي، ءبىز كورمەي قالاتىن ايماقتار بار. سوندىقتان بۇگىندە بالاباقشالار مەن مەكتەپتەردە مۇنداي ايماقتاردىڭ بولماۋىن قامتاماسىز ەتۋ بويىنشا جۇمىس جۇرگىزىلۋدە. مەكتەپ- ينتەرناتتاردى قاداعالاۋ كەرەك، وندا دا بالا كوپ. كەز كەلگەن نارسە بولۋى مۇمكىن. قازاندا بولعان جاعدايدى ەسكەرە وتىرىپ، ءبىز ەندى قوسىمشا شارالار قولدانامىز. 1 -قىركۇيەككە دەيىن COVID-19 جاعدايى بۇگىنگىدەن الدەقايدا جاقسارادى جانە بالالار مەكتەپكە بارادى دەگەن ءۇمىت بار. وسى 3,5 اي ىشىندە ءبىز مەكتەپتىڭ قاۋىپسىزدىگىن تەك ىشكى جاعىنان عانا ەمەس، سونىمەن قاتار سىرتقى پەريمەتر بويىنشا، ونىڭ ىشىندە بالاباقشالار قاۋىپسىزدىگىن كۇشەيتۋ بويىنشا كوپتەگەن دايىندىق جۇمىستارىن جۇرگىزۋىمىز كەرەك»، - دەدى باقىتجان ساعىنتايەۆ.
سونىمەن قاتار، ول مەكتەپ ينسپەكتورلارى مەن پسيحولوگتارىنىڭ جۇمىسىن كۇشەيتۋ قاجەت ەكەنىن اتاپ ءوتتى.
«مامانداردىڭ ايتۋىنشا، مۇنداي مىنەز- قۇلىقتى ەرتەرەك انىقتاۋعا بولادى. بالانىڭ قانداي دا ءبىر قايعىلى جاعدايعا اكەلەتىن ارەكەتىنىڭ الدىن الۋعا بولادى. سوندىقتان ءبىز مەكتەپتەر مەن بالاباقشالاردىڭ قاۋىپسىزدىگى بويىنشا جۇمىس ىستەيتىن بولامىز. بالالارىمىز وزدەرىن تولىقتاي قاۋىپسىز سەزىنۋى ءۇشىن ءبارىن جاسايمىز»، - دەدى ول.
ەسكە سالا كەتەيىك، 11-مامىردا قازان قالاسىنداعى فايزي كوشەسىندەگى مەكتەپتە بەلگىسىز ەكى ادام وق جاۋدىرعان بولاتىن. اتىس كەزىندە 8 ادام قازا تاۋىپ، تاعى 21 ادام زارداپ شەككەنى حابارلاعان ەدى.
ايتا كەتەيىك، مەملەكەت باسشىسى قاسىم- جومارت توقايەۆ قازان قالاسىنداعى گيمنازيادا رەسەيلىك وقۋشىلاردىڭ قازا تابۋىنا بايلانىستى رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتتى. قايعىلى جاعدايعا بايلانىستى تاتارستان پرەزيدەنتى رۋستام ميننيحانوۆ 12-مامىردى رەسپۋبليكادا ازا تۇتۋ كۇنى دەپ جاريالاعان بولاتىن.