بۇل تۋرالى الماتى قالاسى جاسىل ەكونوميكا باسقارماسىنىڭ باسشىسى ناتاليا ليۆينسكايا ونلاين بريفينگ بارىسىندا ايتتى، دەپ حابارلايادى قازاقپارات ءتىلشىسى.
«الماتىعا كىرەبەرىستە جاڭارتىلعان ەكوپوستار جۇمىس ىستەي باستادى. قالادا بەس ەكوپوستت جانە ءبىر موبيلدى ەكوپاترۋل بار. ولار ارنايى قوندىرعىلارمەن: گاز اناليزاتورىمەن جانە وپاسيمەترمەن جابدىقتالعان. بارلىق بەكەتتە كەزەكشى ەكولوگيالىق وپەراتورلار مەن جەرىگىلىكتى پوليتسيا قىزمەتى جۇمىس ىستەيدى. الماتى قالاسىنىڭ ەكولوگيالىق جاعدايىن جاقسارتۋ ءۇشىن جۇك كولىكتەرىن، مامانداندىرىلعان جانە قۇرىلىس تەحنيكالارىن پايدالانىلعان گازداردىڭ ۋىتتىلىعى بويىنشا تەكسەرۋ كۇشەيتىلدى»، - دەدى ول.
سونىمەن قاتار، ول ەكولوگيالىق نورماعا ساي كەلمەيتىن كولىك يەلەرىنە ايىپپۇل سالىنانتىنىن ايتتى.
«بارلىق ەكوپوست ار مەن موبيلدى ەكوپاترۋلدى پايدالانۋ كەزىندە 60 مىڭ ولشەم بىرلىگى جاسالدى. 2020 -جىلدىڭ قاراشاسىنان 2021 -جىلدىڭ مامىرىنا دەيىن 2265 اۆتوكولىكتە شامادان تىس ناتيجە تىركەلگەن. ەكولوگيالىق نورماعا ساي كەلمەيتىن كولىك يەلەرىنە العاشىندا ەسكەرتۋ جاسالادى، ەكىنشى رەت ۇستالسا ايىپپۇل سالىنادى. سونداي- اق قازىر ۋلى زاتتى شامادان تىس بولەتىن جۇك كولىكتەرى قالاعا كىرگىزىلمەيتىن بولدى»، - دەدى ناتاليا ليۆينسكايا.
ونىڭ ايتۋىنشا، قالاعا كىرەبەرىستە بۇرىننان كەلە جاتقان ون ەكوپوست جانە جاقىندا اشىلعان التى بەكەت جۇمىس ىستەپ تۇر. الداعى ۋاقىتتا ولاردىڭ سانى 19-عا دەيىن جەتپەك.
اۆتور: الما مۇقانوۆا