ەلوردانىڭ پوليسيا دەپارتامەنتى مەن اۋماقتىق بولىمشەلەرىندە 14 كۇن بويى تۇرعىنداردان زاڭسىز ساقتالعان قارۋ، وق- ءدارى جانە جارىلعىش زاتتاردى ساتىپ الۋ اكسياسى وتكىزىلدى. ەكى اپتانىڭ ىشىندە ازاماتتار 25 قارۋدى ءوز بەتىمەن تاپسىرعان، سونىڭ ىشىندە ءۇش داناسى - ءيىر ويىقتى مىلتىق، 20 تەگىس وقپاندى مىلتىق، سونداي- اق تراۆماتيكالىق قارۋدىڭ ءۇش داناسى بار.
وسىلايشا نۇر- سۇلتان قالاسى پوليسيا دەپارتامەنتىنىڭ بايقوڭىر اۋداندىق پوليسيا باسقارماسىنا ەلوردا تۇرعىنى كەلىپ، قايتىس بولعان اكەسىنىڭ «توز- ب م» ماركالى تەگىس وقپاندى مىلتىعىن ءوز ەركىمەن تاپسىرعان. نۇر- سۇلتان قالاسىنىڭ پوليسيا دەپارتامەنتى تىركەلمەگەن قارۋ، وق- ءدارى جانە جارىلعىش زاتتاردى ەرىكتى تۇردە تاپسىرعان تۇلعالاردىڭ قىلمىستىق جاۋاپكەرشىلىكتەن بوساتىلاتىنىن ەسكە سالىپ وتىر.