سوت وتىرىسىنا قورعاۋشى تاراپ رەتىندە ادۆوكاتتار سەرىك ساعاليەۆ، دميتري كۋرياچەنكو، نۇرلان بەيسەكەيەۆ جانە ايىپتالۋشى ەلجان ءبىرتانوۆتىڭ ءوزى قاتىستى.
ەلجان ءبىرتانوۆتى ءۇي قاماقتا ۇستاۋ مەرزىمىن ۇزارتۋ تۋرالى ءوتىنىشتى باس پروكۋراتۋرا وكىلى تولەگەن جاراسپايەۆ جەتكىزدى.
پروكۋراتۋرا وكىلى ءوز سوزىندە ءۇي قاماقتا ۇستاۋ مەرزىمىن تاعى ءبىر ايعا - 2021-جىلدىڭ 14- ماۋسىمىنا دەيىن ۇزارتۋدى، ە. ءبىرتانوۆقا مەديتسينالىق مەكەمەلەردەن باسقا نىساندارعا ۇيدەن شىعۋعا رۇقسات بەرمەۋدى سۇرادى.
ەكس-ءمينيستردىڭ ءۇي قاماق مەرزىمى 14- مامىر كۇنى اياقتالۋى كەرەك بولعان.
قورعاۋشى تاراپتان ءسوز العان ادۆوكاتتاردىڭ ىسكە قاتىستى دەرەكتەرىنىڭ مولدىعىن ەسكەرگەن سۋديا ايبەك ءابۋ سوت وتىرىسىن ەرتەڭ، 6- مامىردا جالعاستىرۋ تۋرالى شەشىم شىعاردى.
بۇرىنعى دەنساۋلىق ساقتاۋ ءمينيسترى ەلجان ءبىرتانوۆ بىلتىر ماۋسىم ايىندا قىزمەتىنەن بوساتىلعان بولاتىن. ال كۇزدە ەكس-مينيستر بيۋجەت قاراجاتىن ىسىراپ ەتتى دەگەن كۇدىكپەن قاماۋعا الىنعان.
ەسكە سالساق، وتكەن ايدا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى بۇرىنعى مينيستر ەلجان ءبىرتانوۆتى ءۇي قاماقتا ۇستاۋ مەرزىمىن ۇزارتىپ، ءبىراق ۇيدەن شىعۋعا رۇقسات بەرگەن ەدى.
دەنساۋلىق ساقتاۋ ءمينيسترى الەكسەي سوي بريفينگىنىڭ بىرىندە بۇرىنعى ءمينيستردىڭ سوت بەرگەن مۇمكىندىكتى پايدالانىپ، كوممەرتسيالىق قۇرىلىمدا جۇمىس ىستەپ جۇرگەنىن ءمالىم ەتكەن.