بۇل تۋرالى ۋرولوگ- اندرولوگ دجيەۆدەت كارامامۋد-وگلى ايتتى، دەپ حابارلايدى قازاقپارات ءتىلشىسى.
Experts Hub Kazakhstan جوباسى ساراپشىلارىنىڭ دوڭگەلەك ۇستەلى بارىسىندا ول كوروناۆيرۋس ينفەكسياسى ەر ادامداردىڭ قوزۋ ارەكەتسىزدىگىنىڭ دامۋىنا سەبەپ بولۋى مۇمكىن ەكەندىگىنە قاتىستى زەرتتەۋلەردىڭ بار ەكەندىگىن ايتتى.
«قوزۋ ارەكەتسىزدىگىنە الىپ كەلۋى مۇمكىن فاكتورلار سپەكتورى بارىنشا اۋقىمدى. ونىڭ بارلىعى كوروناۆيرۋس ينفەكسياسىن باستان كەشىرگەننەن كەيىن ورىن الادى»، - دەيدى ۋرولوگ.
ونىڭ تۇسىندىرۋىنشە، قوزۋ ارەكەتسىزدىگىنىڭ باستالۋىنا كوروناۆيرۋس ينفەكسياسىن باستان كەشىرگەننەن كەيىنگى كۇيزەلىس، گيپوكسيانىڭ ۇزاققا سوزىلاتىن ىقپالى، گەموديناميكانىڭ بۇزىلۋى، جۇرەك-قان تامىرى جۇيەسى جۇمىسىنىڭ ناشارلاۋى سەبەپ بولادى.
«سوندىقتان وسىنداي جايت ورىن الۋى مۇمكىن. ال ۆاكسيناتسيا ەر ادامنىڭ دەنساۋلىعىن قورعاۋدىڭ ءبىر ءتاسىلى سانالادى»، - دەدى دجيەۆدەت كارامامۋد-وگلى.
اۆتور: مارلان جيەمباي