برازيليالىق بوكسشى گولوۆكينمەن جەكپە- جەگى تۋرالى مالىمدەدى

نۇر- سۇلتان. قازاقپارات - ورتا سالماقتاعى برازيليالىق بوكسشى ەسكيۆا فالكاو (28-0, 20 ك و) جەرگىلىكتى ب ا ق- قا بەرگەن سۇحباتىندا ورتا ديۆيزيونداعى IBF جانە IBO چەمپيونى، قازاقستاندىق گەننادي گولوۆكينمەن (41-1-1, 36 كو) جەكپە- جەك وتكىزەتىنىن مالىمدەدى، دەپ حابارلايدى قازاقپارات Sports.kz سايتىنا سىلتەمە جاساپ.

«داتالار ازىرگە بەكىتىلگەن جوق. دەگەنمەن، بارلىق جاعداي كلاسسيفيكاتسيالىق ايقاس تامىزدا وتەتىنىن كورسەتۋدە. مەن قازىرگى الەم چەمپيونى، قازاقستان وكىلى گەننادي گولوۆكينمەن كەزدەسۋىم كەرەك. بۇل - مەن ءۇشىن جاقسى ايقاس بولاتىنىنا سەنىمدىمىن. جەكپە- جەك لاس- ۆەگاستا وتەدى»، - دەپ ە. فالكاونىڭ ءسوزىن كەلتىرەدى Lance.com.br.

ايتا كەتەيىك، ەسكيۆا فالكاو اۋەسقوي بوكستا 2011 -جىلى الەم چەمپيونى جانە 2012 -جىلى وليمپيادانىڭ كۇمىس جۇلدەگەرى بولدى.