وزبەكستاندىقتار ۆاكسينانىڭ قاي تۇرىمەن كوپ ەگىلۋدە

بۇل تۋرالى قازاقپارات ءوزا سىلتەمە جاساپ حابارلايدى.

1-ءساۋىر كۇنى باستالعان جاپپاي ۆاكسيناتسيانىڭ العاشقى 10 كۇندىگىندە AstraZeneca-مەن 68 پايىز، وزبەك- قىتاي ZF- UZ- VAC2001 مەن 32 پايىز ۆاكسينا ەگىلگەن. 28-ساۋىردەن سپۋتنيك V ۆاكسيناسى ەل تۇرعىندارىنا سالىنا باستادى.

جالپى 1 ايلىق ستاتيستيكالىق قورىتىندىعا ساي، AstraZeneca-تى 40,9 پايىز، ZF- UZ- VAC2001-تى 58,4 پايىز، سپۋتنيك V 0,7 پايىزدىق كورسەتكىشتە ازاماتتارعان ەگىلگەنى ءمالىم بولدى.

وسى ارالىقتا 797781 ازاماتقا ەكپە جاسالعان. ۆاكسيناتسيانىڭ ەكىنشى ايى 1-مامىردا باستالىپ، العاشقى كۇنى 58235 ادام ۆاكسيناتسيالاندى. وسىلايشا كوروناۆيرۋستىق ينفەكسياعا قارسى ۆاكسينا العاندار سانى 856016-عا جەتتى.

ەسكە سالساق، جالپى وزبەكستاندا ۆاكسينالاۋ ءۇش پرەپارات - ەۋروپالىق AstraZeneca، قىتاي- وزبەك تاراپتارى بىرلەسىپ شىعارعان ZF- UZ- VAC2001 جانە رەسەيدىڭ «سپۋتنيك- V» ۆاكسيناسى ارقىلى جاسالىپ جاتىر.