سۋ استىندا قالعان كوشەلەردەگى كورىنىستى تۇرعىندار سۋرەتكە، ۆيدەوعا ءتۇسىرىپ، الەۋمەتتىك جەلىگە جاريالاپ جاتىر. اعىن سۋ ارىقتان اسىپ تروتۋارلارعا جايىلىپ كەتكەن. اسىرەسە كوپىرلەردىڭ استى مەن سايلاردا سۋ تىزەگە جەتىپ قالادى.
الماتى قالاسىنىڭ ازاماتتىق قورعاۋ قىزمەتىنىڭ مالىمەتىنشە، سۋ باسىپ قالۋى مۇمكىن ۋچاسكەلەرگە ينەرتتى ماتەريالدار مەن ارنايى تەحنيكا جىبەرىلدى.
تاڭعى ساعات 10:00-دەگى اقپارات بويىنشا مىنا مەكەنجايلاردى سۋ باستى: مەدەۋ اۋدانى - ەلەكتر قۋاتىنىڭ بولماۋىنا بايلانىستى ءال- فارابي مەن نازاربايەۆ داڭعىلدارىنىڭ قيىلىسىنداعى كوپىر استىندا سورعى ءسونىپ، سۋ جينالدى. قازىرگى ۋاقىتتا اۋداندىق كوممۋنالدىق قىزمەتتەر سول جەردە جۇمىس ىستەپ جاتىر («الماتى تازالىق»، الماتى سۋ، قۇتقارۋ قىزمەتى 109،) 2 ارنايى تەحنيكا مەن 6 موتوسورعى ىسكە قوسىلدى. سورعى ستانسياسى دا قوسىلعان.
المالى اۋدانى - سۋ باسقان س. مۇقانوۆ كوشەسىندە «الماتى تازالىق» كومپانياسىنىڭ قىزمەتكەرلەرى جۇمىس ىستەپ، جۇمىستى اياقتادى. 30 قاپ ينەرتتى ماتەريال پايدالانىلدى. بوستاندىق اۋدانى - ەسەناليەۆ كوشەسى 33-ءۇيدىڭ جەرتولەسىنە سۋ جينالدى، سۋ ارىق جۇيەسىنە بۇرىلدى، 40 قاپ قولدانىلدى. م. اۋەزوۆ اۋدانى - 9-ىقشاماۋدانداعى 51-ءۇيدىڭ جەرتولەسىن سۋ باستى.
«الماتى تازالىق» قىزمەتكەرلەرى جۇمىس جۇرگىزدى. تۇركسىب اۋدانىندا - «قايرات 93» ىقشاماۋدانى بويىنشا ج ت ءۇ اۋلاسىن سۋ باستى، «الماتى تازالىق» قىزمەتكەرلەرى جۇمىس جۇرگىزىپ، اياقتادى. الماتىدا كەشە تۇندە باستالعان جاڭبىر ءالى دە تولاسسىز جاۋىپ تۇر.
اۆتور: الما مۇقانوۆا