«جوعارى وقۋ ورىندارى مەملەكەتتىك كاسىپورىنداردان اكسيونەرلىك قوعامدارعا وزگەرگەننەن كەيىن اكادەميالىق ورتادا ۋنيۆەرسيتەتتەردى جەكەشەلەندىرۋگە بايلانىستى تۇسىنىسپەۋشىلىكتەر پايدا بولدى. اسىرەسە، بۇل ماسەلەنى ءال- فارابي اتىنداعى قازۇۋ، ساتبايەۆ ۋنيۆەرسيتەتى، اباي اتىنداعى قازۇپۋ، ە. ا. بوكەتوۆ اتىنداعى قارمۋ وقىتۋشىلارى كوتەردى»، - دەپ جازدى مينيستر Facebook پاراقشاسىندا.
ونىڭ اتاپ وتۋىنشە، ءبىلىم جانە عىلىم مينيسترلىگى اتالعان ماسەلەنى تۇپكىلىكتى شەشۋ ءۇشىن زاڭعا تۇزەتۋلەر ەنگىزۋگە باستاماشىلىق جاساعان.
«ەندى 100 پايىز مەملەكەتتىڭ مەنشىگىندەگى جوعارى وقۋ ورىندارىن جەكەشەلەندىرۋگە مۇمكىندىك بولمايدى. دەمەك بۇل ۋنيۆەرسيتەتتەر مەملەكەتتىڭ مەنشىگىندە قالادى. بۇل زاڭ جوباسى ەندى سەناتتا قارالادى. ەگەر سەناتورلار قولداسا، مەملەكەت باسشىسىنىڭ قاراۋىنا جىبەرىلەدى»، - دەدى اسحات ايماعامبەتوۆ.
اۆتور: مارلان جيەمباي