بۇل تۋرالى قازاقپارات قىرعىزستاندىق كابار اگەنتتىگى مەن تاجىكستاندىق حوۆار اگەنتتىگىنە سىلتەمە جاساپ حابارلايدى.
«قىرعىزستان مەن تاجىكستان شەكاراسىنداعى قارۋلانعان جانجالدى رەتتەۋ بويىنشا قىرعىزستان مەن تاجىكستان ۇكىمەتتەرى باستاماسىمەن قۇرىلعان كوميسسيا 29 -ءساۋىر كۇنگى قاقتىعىستىڭ سەبەبى مەن سالدارىن تالقىلاندى»، - دەلىنگەن كابار اگەنتتىگى تاراتقان بىرلەسكەن مالىمدەمەدە.
حوۆار اگەنتتىگىنىڭ حابارلاۋىنشا، «قىرعىزستان مەن تاجىكستان شەكاراسىنداعى قارۋلى جانجالدى رەتتەۋ بويىنشا قىرعىزستان مەن تاجىكستان ۇكىمەتتەرى باستاماسىمەن قۇرىلعان كوميسسيا 29 -ءساۋىر كۇنگى قاقتىعىستىڭ سەبەبى مەن سالدارىن تالقىلادى، قارۋلانعان جانجالدى توقتاتۋ تۋرالى ورتاق كەلىسىمگە كەلدى. اتاپ ايتقاندا، جەكە قۇرام مەن اسكەري تەحنيكانى تۇراقتى ورنىنا جەتكىزۋ، شيەلەنىستىڭ كۇشەيۋىن بولدىرماۋ ءۇشىن شارالار قولدانۋ، ەكى دوس حالىق پەن مەملەكەتتىڭ مۇددەسىنە ساي جەمىستى كەلىسۋ پروتسەسى ءۇشىن كوزدەلگەن شارالاردى تولىق جۇزەگە اسىرۋ مەن ءتيىستى تۇراقتى جاعداي تۋدىرۋ ماقساتىندا ەكى ەل بيلىگىنىڭ قۇقىق قورعاۋ ورگاندارى مەن اتقارۋشى بيلىك قىزمەتكەرلەرى قاتارىنان ورتاق جۇمىس توبىن قۇرۋ تالقىلاندى.
ەسكە سالا كەتسەك، 28 -ءساۋىر كۇنى قىرعىزستان مەن تاجىكستان شەكاراسىندا ەكى ەل تۇرعىندارى ءوزارا كەلىسپەي، قاقتىعىس باستالدى. قىرعىزستاننىڭ باتكەن وبلىسىنىڭ باتكەن اۋدانىنىڭ «گولوۆنوي» ەلدى مەكەنىندە جاعداي شيەلەنىسىپ كەتتى.
قىرعىز تاراپى قاقتىعىس ايماعىنان 848 ادام كوشىرىلگەنىن ءمالىم ەتتى. قىرعىزستان مەن تاجىكستان 29 -ساۋىردە ساعات 20:00-دەن باستاپ اتىستى توقتاتۋ تۋرالى كەلىسىمگە كەلدى.
سونداي- اق، ق ر پرەزيدەنتى قىرعىز- تاجىك مەملەكەتتىك شەكاراسىنداعى جاعدايعا بايلانىستى مالىمدەمەمە جاسادى.