بۇل تۋرالى قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتى شەكارا قىزمەتىنىڭ قوعاممەن جانە ب ا ق- پەن بايلانىس جونىندەگى ءبولىمى حابارلايدى، دەپ جازادى قازاقپارات كابارعا سىلتەمە جاساپ.
قىرعىزستان ازاماتتارىنىڭ قاۋىپسىزدىگىن قامتاماسىز ەتۋ، سونداي-اق شەكارا ماڭىنداعى اۋماقتاردا زاڭ بۇزۋدى بولدىرماۋ جانە جاعدايدى ۋشىقتىرماۋ ماقساتىندا باتكەن وبلىسىندا ورنالاسقان شەكارا بولىمشەلەرى كۇشەيتىلگەن رەجيمدە قىزمەت اتقارۋدا.
قىرعىزستان پرەزيدەنتى سادىر جاپاروۆ قىرعىزستان قاۋىپسىزدىك كەڭەسىنىڭ شاعىن قۇرامداعى وتىرىسىن وتكىزدى.
بۇل تۋرالى كابار پرەزيدەنت اپپاراتىنىڭ اقپاراتتىق ساياسات بولىمىنەن حابارلادى.
وتىرىس بارىسىندا مەملەكەتتىك شەكارانىڭ قىرعىز-تاجىك ۋچاسكەسىندەگى شيەلەنىس دەڭگەيىن تومەندەتۋ جانە قالىپتاسقان جاعدايدى السىرەتۋ، ەلدىڭ اۋماقتىق تۇتاستىعىن ساقتاۋ، شەكارا ماڭىنداعى اۋماقتار تۇرعىندارىنىڭ قاۋىپسىزدىگىن قامتاماسىز ەتۋ بويىنشا شارالار تالقىلاندى.
پرەزيدەنت سادىر جاپاروۆ بارلىق جۇمىلدىرىلعان مەملەكەتتىك ورگانداردىڭ قالىپتاسقان جاعدايدى بەيبىت جولمەن رەتتەيتىن شارالاردى قابىلداۋ كەرەك ەكەنىن ايتتى.