وسىعان بايلانىستى الماتى قوعامدىق دەنساۋلىق ساقتاۋ باسقارماسى تۇسىنىكتەمە بەردى، دەپ حابارلايدى قازاقپارات ءتىلشىسى.
«مۇنداي ءىس- ارەكەتتىڭ قىلمىستىق سيپاتتا ەكەندىگىن جانە قىلمىستىق جاۋاپكەرشىلىككە تارتىلاتىندىعىن رەسمي تۇردە حابارلايمىز. وسى فاكت جاريالانعان ساتتەن باستاپ ارنايى قىزمەتتىك تەرگەۋ باستالدى. قازىرگى ۋاقىتتا ۆاكسيناتسيادان ءوتۋ تۋرالى ەلەكتروندى پاسپورت بەرۋ فاكتىسى راستالمادى»، - دەپ حابارلادى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى.
قازىرگى ۋاقىتتا بارلىق مەديتسينالىق ۇيىمدار، اقپاراتتىق جۇيەلەر مەن مالىمەتتەر بازاسىن تەكسەرۋ باستالدى.
«تەرگەۋ ناتيجەلەرى بۇل اقپاراتتى راستاسا، قازاقستان رەسپۋبليكاسىنىڭ زاڭناماسىنا سايكەس شارالار قولدانۋ ءۇشىن قۇقىق قورعاۋ ورگاندارىنا بەرىلەدى»، - دەپ اتاپ ءوتتى باسقارماداعىلار.
اۆتور: الما مۇقانوۆا