«قازىرگى ۋاقىتتا ەلدە 80 مەكەمە بار، ولاردا 32 مىڭنان استام ادام قاماۋدا وتىر. سونىڭ 25 مىڭى سوتتالۋشى جانە 6,5 مىڭى تەرگەۋ بارىسىندا تۇتقىنعا الىنعان»، - دەلىنگەن ق ر پرەزيدەنتى جانىنداعى ادام قۇقىقتارى جونىندەگى كوميسسيا وتىرىسىنىڭ بارىسىندا تاراتىلعان مالىمەتتە.
بەلگىلى بولعانداي، ايەلدەر كولونياسىندا (6 كولونيادا) 2244 ادام جازاسىن وتەپ جاتىر.
ايتا كەتەيىك، بىلتىر ق ر ىشكى ىستەر مينيسترلىگىنىڭ وكىلدەرى قىلمىستىق ساياساتتى ىزگىلەندىرۋدىڭ ارقاسىندا سوڭعى 9 جىلدىڭ ىشىندە تۇرمەدە وتىرعانداردىڭ سانى ءىس جۇزىندە 2 ەسەگە جۋىق، 57 مىڭنان 30 مىڭعا دەيىن تومەندەگەنىن حابارلاعان ەدى.
بۇدان بۇرىن حابارلانعانداي، بۇگىن ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ وتىرىسى ءوتتى.
وتىرىس بارىسىندا ق ر ءى ءى م قىلمىستىق-اتقارۋ جۇيەسى كوميتەتىنىڭ سوتتالعانداردىڭ قاۋقارسىز توپتارىنىڭ كونستيتۋتسيالىق قۇقىقتارىن قامتاماسىز ەتۋدەگى قىزمەتى قارالدى.