بۇل تۋرالى مينيستر ءوزىنىڭ Facebook پاراقشاسىندا جازدى، دەپ حابارلايدى قازاقپارات.
«رەسەيدەن قازاقستانعا قايتار جولداعى شەكارادا ءبىزدىڭ ەلگە قاراي وتكەندەرگە ساۋالناما تولتىرۋدى سىناقتان وتكىزدىم. ءبىر ايتا كەتەرلىگى، وسى ۋاقىتقا دەيىن ساۋالنامالار قاعازعا تولتىرىلىپ كەلدى. ەندى مۇندايعا جول بەرىلمەيدى. قىزمەتكەرلەر كۇن سايىن جۇيەگە 1000 قاعاز ساۋالنامانىڭ مالىمەتتەرىن ەنگىزەدى ەكەن! قولمەن! ءبىز ونى ساندىق فورماتقا اۋىستىرامىز. قوسىمشانى جۇكتەۋدىڭ قاجەتى جوق، تەك QR كودىن سكانەرلەپ، سمارتفوننان ساۋالنامانى تولتىرىڭىز! ۆەب-رەسۋرس قولجەتىمدى، وندا تۇتىنۋشى ساۋالنامانى الدىن-الا تولتىرادى. مۇنداي قىزمەتتەر ەۋروپا ەلدەرىندە ءساتتى جۇزەگە اسىرىلدى. تەك QR- كودتى سكانەرلەپ، ساۋالنامانى تولتىرىپ، ءوتىپ كەتەسىز. ەپيدەميولوگتار جۇمىستان كەيىن وتىرىپ، مالىمەتتەر بازاسىن تولتىرۋدىڭ ورنىنا سول ۋاقىتىن تۋىستارى مەن دوستارىنا ارناسا دەيمىز! ماگنۋم كومپانياسىنىڭ ۇجىمىنا جانە جوبانى ىسكە اسىرعان الەم مەكتەپتەرىنە (داگار مەن ارتەم) العىسىمدى بىلدىرگىم كەلەدى»، - دەپ جازدى، ب. مۋسين.