بۇل فاكتىنى الماتى قالاسىنىڭ مونيتورينگىلىك توبى تەكسەرىپ جاتىر، دەپ حابارلايدى قازاقپارات ءتىلشىسى.
ۆيدەودان كەش قازاقستاننىڭ حالىق ءارتىسى ناعيما ەسقاليەۆانىڭ ۇلى ءانشى دياس ابلايەۆتىڭ تۋعان كۇنىنە وراي ۇيىمداستىرىلعانىن اڭعارۋعا بولادى. شاراعا قاتىسۋشىلار اراسىندا ءالي وقاپوۆ، ينديرا ەدىلبايەۆا، گۇلناز جولانوۆا مەن بىرنەشە Instagram-بلوگەر بار.
قالالىق سانيتارلىق- ەپيدەميولوگيالىق باقىلاۋ دەپارتامەنتىنىڭ مالىمەتىنشە، الماتىنىڭ مونيتورينگىلىك توبى ءقازىر بۇل دەرەكتى زەرتتەپ جاتىر.
«ماتەريال مونيتورينگ توبىنا جىبەرىلدى. ءىس- شارا قاي جەردە وتكەنىن انىقتايمىز»، - دەدى الماتى قالاسى سانيتارلىق- ەپيدەميولوگيالىق باقىلاۋ دەپارتامەنتىنىڭ ورىنباسارى ءسادۋاقاس بايعابىلوۆ. ونىڭ ايتۋىنشا، ەگەر كارانتين تالاپتارى بۇزىلعانى انىقتالسا، مەكەمە يەسىنە 670910 تەڭگە (230 ا ە ك، 1 ا ە ك - 2917 تەڭگەگە تەڭ)، ال جەكە تۇلعالارعا 87510 تەڭگە (30 ا ە ك) مولشەرىندە ايىپپۇل سالىنادى.
ەسكە سالايىق، بۇعان دەيىن ءانشى قايرات نۇرتاسقا كارانتين تالابىن بۇزعانى ءۇشىن ايىپپۇل سالىنعان بولاتىن.
اۆتور: الما مۇقانوۆا