«تەرگەۋ بارىسىندا كۇدىكتى رەسەي فەدەراتسياسىنىڭ ازاماتى قولدانعان قارۋدىڭ كىمگە تيەسىلى ەكەنى انىقتالادى. قازىرگى ۋاقىتتا وقيعا ورنىندا پوليسيا دەپارتامەنتىنىڭ جەدەل- تەرگەۋ توبى جۇمىس ىستەۋدە»، - دەپ حابارلادى پوليسيادان.
ەسكە سالا كەتەيىك، 24 -ءساۋىر كۇنى الماتىدا تۇرعىن ءۇي كەشەنىنىڭ كۇزەتشىسى اڭشى مىلتىعىنان جاراقات العان بولاتىن. پوليسيا دەپارتامەنتىنىڭ مالىمەتىنشە، كۇزەتشىنى بەلگىسىز ەر ادام اراداعى جانجالدان سوڭ اياعىنان اتقان. ول قازىر اۋرۋحانادا جاتىر. پوليسيا تۇرعىن ۇيدەگى پاتەرگە تىعىلعان قارۋلى اداممەن كەلىسسوز جۇرگىزگەن. ول كەلىسسوزدەن باس تارتتى.
ەسىكتەن باسپالداق الاڭىنا قاراي 10نان اسا رەت وق اتقان. كەيىننەن كۇدىكتى 17 قاباتتاعى تەرەزەدەن سەكىرىپ كەتتى. ول وقيعا ورنىندا كوز جۇمدى . پوليسيانىڭ مالىمدەۋىنشە، كۇدىكتىنى ۇستاۋ وپەراتسياسىندا اتىس قارۋى قولدانىلماعان.