«تۇرعىن ءۇي كەشەنىنىڭ كۇدىكتى ءوز پاتەرىنە جاسىرىنعان قاناتىنداعى تۇرعىندار قاۋىپسىز جەرگە كوشىرىلدى جانە وقيعا ورنى وقشاۋلاندى. 30 مارتە وق اتىلعاننان كەيىن كۇدىكتىنى پوليسيا دەپارتامەنتىنىڭ ارناۋلى بولىمشە قىزمەتكەرلەرىنىڭ كومەگىمەن ۇستاۋ تۋرالى شەشىم قابىلداندى. پوليسيا قىزمەتكەرلەرى جۇرگىزگەن ارناۋلى وپەراتسيا بارىسىندا ءولىم- جىتىمگە اكەلەتىن قارۋ قولدانىلعان جوق. جاۋاپكەرشىلىكتەن قورىققان كۇدىكتى وق اتقان قارۋىمەن بىرگە پاتەر تەرەزەسىنەن سەكىرىپ مەرت بولدى. قازىرگى ۋاقىتتا پوليسيا دەپارتامەنتىنىڭ جەدەل تەرگەۋ توبى جۇمىس ىستەپ جاتىر»، - دەدى وقيعا ورنىندا ب ا ق وكىلدەرىنە بريفينگ وتكىزگەن الماتى قالالىق پوليسيا دەپارتامەنتى باستىعىنىڭ ورىنباسارى رۇستەم ءابدىراحمانوۆ.
رۇستەم ءابدىراحمانوۆتىڭ اتاپ وتۋىنشە، كەلىسسوز پروتسەسى 6 ساعاتتان استام ۋاقىتقا سوزىلعان. قازىرگى ۋاقىتتا ونىڭ مۇنداي قادامعا نە ءۇشىن بارعانى انىقتالىپ جاتىر. سونىمەن قاتار بۇل فاكتى سوتقا دەيىنگى تەرگەۋدىڭ ءبىرىڭعاي تىزىلىمىنە «بۇزاقىلىق» بابى بويىنشا تىركەلىپ وتىر.
ەسكە سالا كەتەيىك، بۇگىن الماتىدا تۇرعىن ءۇي كەشەنىنىڭ كۇزەتشىسى اڭشىلىققا ارنالعان مىلتىقتان جاراقات العان بولاتىن. پوليتسيا دەپارتامەنتىنىڭ مالىمەتىنشە، كۇزەتشى مەن بەلگىسىز ەر ادامنىڭ اراسىندا تۋىنداعان جانجال سالدارىنان كۇزەتشىنىڭ اياعى اڭشىلىق مىلتىقتان جارالانعان. ول اۋرۋحانادا جاتىر. پوليسيا تۇرعىن ۇيدەگى پاتەرگە تىعىلعان اتقىشپەن كەلىسسوز جۇرگىزگەن. قارۋلى ادام كەلىسسوزدەن باس تارتتى. وعان قوسا، ول باسپالداق الاڭىنا قاراي 10 نان استام وق اتقان. كەيىننەن كۇدىكتى تەرەزەدەن سەكىرىپ كەتتى. ول وقيعا ورنىندا كوز جۇمدى.