اقپارات جانە قوعامدىق دامۋ مينيسترلىگى مەن ءبىلىم جانە عىلىم مينيسترلىگى ۇيىمداستىرعان فورۋمعا ەلىمىزدىڭ بارلىق وڭىرلەرىنەن جينالعان 200 دەن استام جاس عالىمدار مەن زەرتتەۋشىلەر، سونداي- اق اقپارات جانە قوعامدىق دامۋ ۆيتسە- ءمينيسترى اسحات ورالوۆ، ق ر ب ع م عىلىم كوميتەتى ءتوراعاسىنىڭ ورىنباسارى دۋمان ورىنبەكوۆ، قر پرەزيدەنتى جانىنداعى جاستار ساياساتى جونىندەگى كەڭەستىڭ، ق ر ب ع م جانىنداعى جاس عالىمدار كەڭەسىنىڭ وكىلدەرى قاتىستى.
«بۇگىن مۇندا تاۋەلسىز قازاقستاندا وسكەن، جاڭا ويلاۋ قابىلەتى مەن دامۋ پاراديگماسى بار، ءوز جەتىستىكتەرى مەن تابىستارى بار جاستار جينالعانى ماڭىزدى. جاستاردى، اسىرەسە جاس عالىمداردى، كاسىپكەرلەردى، نوۆاتورلاردى ەلباسى نۇرسۇلتان نازاربايەۆ پەن مەملەكەت باسشىسى قاسىم- جومارت توقايەۆ ۇنەمى قولداپ وتىراتىندىعىن اتاپ وتكىم كەلەدى»، - دەدى القالى جيىندا اسحات ورالوۆ.
فورۋم بارىسىندا قازاقستاننىڭ جاس عالىمدارى عىلىمنىڭ ءتۇرلى سالالارىندا ءوز تاجىريبەلەرىمەن جانە ءوز سالالارىنداعى جەتىستىكتەرىمەن ءبولىستى. ماسەلەن، QazVac وتاندىق ۆاكسيناسىن ازىرلەۋشىلەردىڭ ءبىرى، «بيوتەحنولوگيا» ماماندىعى بويىنشا PhD دوكتورى، ق ر ب ع م عىلىم كوميتەتىنىڭ بيولوگيالىق قاۋىپسىزدىك پروبلەمالارى ع ز ي ميكروورگانيزمدەر كوللەكسياسى زەرتحاناسىنىڭ مەڭگەرۋشىسى ق. د. جۇگىنىسوۆ QazVac ۆاكسيناسىنىڭ كلينيكالىق سىناقتارىنان ءساتتى وتكەنى جانە وڭىرلەرگە جەتكىزۋ تۋرالى ايتىپ بەردى.
«ءال- فارابي اتىنداعى قازۇۋ» كەاق پوستدوكتورانتى، «بيوسفەرا ەكولوگياسى» زەرتحاناسىنىڭ اعا عىلىمي قىزمەتكەرى، «سۋ رەسۋرستارىن ۇتىمدى پايدالانۋ» باعىتى بويىنشا ۇلتتىق عىلىمي كەڭەستىڭ مۇشەسى ن. ح. بايماتوۆتىڭ پىكىرىنشە، ادامگەرشىلىك- ەكولوگيالىق تاربيە جاستاردىڭ ەكولوگيالىق ويلاۋ ءستيلىن دامىتۋعا، تابيعي ورتادا قاجەتتى سەنىمدەر مەن مىنەز- قۇلىق داعدىلارىن تۇجىرىمداۋعا، ورىندى ەكولوگيالىق قىزمەت قاعيداتتارىن بەكىتۋگە باعىتتالۋى ءتيىس. سونىمەن قاتار، ءىس- شارا سپيكەرلەرى رەتىندە «ReLive Intelligence « كومپانيالار توبىنىڭ نەگىزىن قالاۋشى جانە ديرەكتورى، دەرەكتەردى تالداۋ بويىنشا PhD دوكتورى، نازاربايەۆ ۋنيۆەرسيتەتىنىڭ تۇلەگى ب. ب. ابدىكەنوۆ، «ۇلتتىق عارىشتىق زەرتتەۋلەر مەن تەحنولوگيالار ورتالىعى» ا ق باسقارما ءتوراعاسىنىڭ ورىنباسارى، ا. ج. بيبوسىنوۆ، ينكليۋزيۆتى ءبىلىم بەرۋ بويىنشا PhD، ۇلتتىق ەرىكتى، مۇگەدەكتىگى بار جاس مامانداردىڭ تالانتتارىن دامىتۋ باعدارلاماسى اياسىندا قازاقستانداعى ب ۇ ۇ باعدارلامالىق مامانى م. ت. قارساقپايەۆا ءسوز سويلەدى.