اقتاۋداعى كولونيادا ەكى ادام ءوز- وزىنە قول جۇمسادى

بۇل تۋرالى قىلمىستىق- اتقارۋ جۇيەسى كوميتەتىنىڭ باسپا ءسوز قىزمەتى حابارلادى.

«21-ساۋىردە ماڭعىستاۋ وبلىسى بويىنشا قىلمىستىق- اتقارۋ جۇيەسى دەپارتامەنتىنىڭ قاۋىپسىزدىگى بارىنشا جوعارى «گ م-172/6» مەكەمەسىندە ەكى سوتتالعان ازامات قاسىقتىڭ سابىن جۇتىپ، دەنەنى زاقىمداۋ اكتىسىن جاسادى. ولار ءوز ارەكەتتەرىن قاماۋدا ۇستاۋ رەجيمىنە نارازىلىق ءبىلدىرۋ دەپ ءتۇسىندىردى. مەكەمە قىزمەتكەرلەرى دەرەۋ العاشقى مەديتسينالىق كومەك كورسەتىپ، جەدەل جاردەم بريگاداسىن شاقىردى. قازىر سوتتالعانداردىڭ دەنساۋلىق جاعدايى قاناعاتتانارلىق»، - دەپ جازادى كوميتەتتىڭ باسپا ءسوز قىزمەتى.

رەسمي اقپاراتتا اتالمىش ەكى ازاماتتىڭ بۇرىن دا سوتتى بولعانى ايتىلعان. بۇل جولى قىلمىستىق كودەكستىڭ 191-بابىنىڭ 2-بولىگى (توناۋ) جانە 99-بابىنىڭ 2-بولىگى (كىسى ءولتىرۋ) بويىنشا جازالارىن وتەۋدە.

«اتالعان وقيعا بويىنشا قىزمەتتىك تەكسەرۋ باستالدى. تەكسەرۋگە دەپارتامەنتتىڭ ماماندارىمەن بىرگە قوعامدىق- باقىلاۋ كوميسسياسى دا تارتىلماق. «گ Ù…-172/6» مەكەمەسىندە سوتتالعانداردىڭ – اۋىر جانە اسا اۋىر قىلمىستار ءۇشىن جازاسىن وتەپ جاتىر. ادەتتە، مۇندا تىركەلەتىن ءوز- وزىنە قول جۇمساۋ ارەكەتتەرىنىڭ كوبى بوپسالاۋ نيەتىمەن جاسالادى. سۋيتسيدتىك ماقساتپەن جاسالمايدى. كەيبىر جاعدايلاردا وزىنە زيان كەلتىرۋ ارقىلى Ù…Û•ÙƒÛ•Ù…Û• اكىمشىلىگىنىڭ زاڭدى تالاپتارىن ورىنداۋدان جالتارۋدىڭ وسىنداي ءتاسىل قولدانىلادى»، - دەلىنگەن كوميتەتتىڭ رەسمي دەرەگىندە.