سەنات ءتوراعاسى پارلامەنتارالىق ديالوگ قازاقستان- رەسەي ىنتىماقتاستىعىنىڭ ماڭىزدى قۇرامداس بولىگى بولىپ تابىلاتىنىن اتاپ ءوتتى.
«ەكىجاقتى قارىم- قاتىناستاردا ءوڭىرارالىق جانە شەكاراماڭى ىنتىماقتاستىعىنىڭ ماڭىزى زور. قازىرگى تاڭدا قازاقستان مەن رەسەي اراسىنداعى تاۋار اينالىمىنىڭ شامامەن 70 پايىزى ءوڭىرارالىق جانە شەكاراماڭى ساۋداسىنا تيەسىلى. ءبىزدىڭ مەملەكەتتەرىمىزدىڭ باسشىلارى شەكارا ماڭىنداعى ىنتىماقتاستىققا ەرەكشە نازار اۋدارىپ وتىر. قازاقستان مەن رەسەيدىڭ ءوڭىرارالىق ىنتىماقتاستىق فورۋمدارى وتكىزىلىپ كەلەدى. سەناتورلارىمىزدىڭ باسىم بولىگى بەلگىلى ءبىر ايماقتاردان سايلانعان. سوندىقتان سەناتورلار ءبىزدىڭ ەلدەرىمىز پرەزيدەنتتەرىنىڭ بارلىق باستامالارىن قولدايدى ءارى جۇزەگە اسىرۋعا بەلسەنە قاتىسىپ كەلەدى»، - دەدى ماۋلەن اشىمبايەۆ.
سەنات ءتوراعاسىنىڭ ايتۋىنشا، قوس ەل اراسىنداعى قارىم- قاتىناس عىلىمي- ءبىلىم بەرۋ، مادەني- گۋمانيتارلىق جانە باسقا دا سالالاردا تابىستى دامىپ كەلەدى.