«بۇل تاقىرىپ كوپتى ويلاندىرىپ جۇرگەن بەلگىلى. قازىرگى كەزدە ۆاكسينانى الۋدى نەمەسە جۇكتىلىكتى جوسپارلاپ وتىرعان ايەلدەردىڭ ساۋالىنا توقتالساق، جۇكتىلىكتى ۆاكسيناتسيادان كەيىن 2 اي وتكەن سوڭ جوسپارلاۋعا بولادى. سەبەبى اعزادا تولىق يممۋنيتەت قالىپتاسادى. ەرىكتىلەردىڭ اراسىندا جۇكتى ايەلدەردىڭ بولماۋىنا بايلانىستى بۇل ۆاكسينانىڭ جۇكتى ايەلدەردىڭ اعزاسىندا قالاي جۇرەتىنى تۋرالى عىلىمي مالىمەتىمىز جوق. سوعان بايلانىستى وسىنداي شەشىم قابىلدانىپ وتىر»، - دەدى ا. قۋاتبايەۆا ورتالىق كوممۋنيكاتسيالار قىزمەتىندە.
ونىڭ ايتۋىنشا، ۋاقىت وتە كەلە عىلىمي جۇمىستاردىڭ ناتيجەسىنە بايلانىستى بۇل باعىتتاعى تاسىلدەر وزگەرۋى مۇمكىن.
«سوندىقتان ۆاكسينالاۋدان كەيىن 2 اي وتكەن سوڭ جۇكتىلىكتى جوسپارلاي بەرۋگە بولادى»، - دەپ ناقتىلادى ايناگۇل قۋاتبايەۆا. بۇدان بۇرىن حابارلانعانداي، ۆاكسينانىڭ ءبىرىنشى كومپونەنتىن سالدىرعان سوزىلمالى اۋرۋى بار ادامدار سانى 32314-كە جەتتى.
اۆتور: رۋسلان عابباسوۆ