ەكى اپتا بۇرىن ساۋدا ورتالىعىنداعى العاشقى ەگۋ پۋنكتى «Mega Silk way» - دا اشىلعان. ال 19 ساۋىردەن باستاپ «حان شاتىر» س و و- دا ۆاكسينا قابىلداۋ مۇمكىندىگى جاسالدى.
«ساۋدا- ويىن ساۋىق ورتالىقتارىندا ۆاكسيناتسيالاۋ جۇمىسىن ۇيىمداستىرۋ جاقسى تاجىريبە كورسەتىپ وتىر. وسى ارقىلى قالا تۇرعىندارىن قامتۋ كورسەتكىشى ارتىپ كەلەدى. العاشقى ۋاقىتتا تۇرعىندار ۆاكسيناتسيادان ۇرەيلەنسە، قازىر جاعداي كەرىسىنشە، جۇرت ۆاكسينا العاندار قاتارىن بەلسەندى تۇردە تولىقتىرۋدا.
مىسالى، «Mega Silk way» - دا مەديتسينا قىزمەتكەرلەرى 2100-دەن استام ادامدى ۆاكسيناتسيالادى. بۇل ءبىر عانا ورتالىقتىڭ كورسەتكىشى»، - دەيدى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.
«Keruen» جانە «ءابۋ- دابي پلازاداعى» جۇمىس ۋاقىتى الدىڭعى ەكى ورتالىققا ۇقساس، ياعني ساعات 10:00-دەن 22:00-گە دەيىن. حالىقتى ۆاكسيناتسيالاۋمەن كەڭىنەن قامتۋ ءۇشىن قالا اكىمى التاي كولگىنوۆتىڭ تاپسىرماسى بويىنشا ەگۋ پۋنكتتەرىنىڭ سانى 36-دان 100-گە دەيىن، سونداي- اق جۇمىس ۋاقىتى 08:00-دەن 00:00-گە دەيىن، س و و- لاردا 10:00-دەن 22:00-گە دەيىن ۇزارتىلدى.
ەلوردالىقتار COVID-19 ۆاكسيناسىن الۋعا بەلسەندى تۇردە نيەت بىلدىرگەندىكتەن قوعامدىق دەنساۋلىق ساقتاۋ باسقارماسى ەڭبەك ۇجىمدارىن جاپپاي ۆاكسيناتسيالاۋ ءۇشىن كوشپەلى بريگادالار ۇيىمداستىرادى. ءتۇرلى كاسىپورىنداردا ك ۆ ي- عا قارسى ۆاكسينا العىسى كەلەتىندەردىڭ سانى 1000 ادامعا جەتەدى. بۇگىنگى كۇنى قالا بويىنشا 75 مىڭعا جۋىق ادام ۆاكسيناتسيالاندى.
ەسكە سالا كەتسەك، نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا ەلوردادا حالىق كوپ جينالاتىن ورىنداردا تۇرعىندارعا ۆاكسينا سالۋ پۋنكتتەرى اشىلاتىن ايتقان ەدى.