قانداستاردىڭ تۇرىكمەنستاننان قازاقستانعا قونىس اۋدارۋ ماسەلەسى تالقىلاندى

نۇر- سۇلتان. قازاقپارات - كونسۋلدىق سالاداعى ەكىجاقتى ىنتىماقتاستىقتى تەرەڭدەتۋ شەڭبەرىندە قازاقستان- تۇرىكمەنستان كونسۋلتاتسيالارى ءوتتى.

ۆيدەوكونفەرەنسيا فورماتىنداعى كەزدەسۋگە ەكى ەلدىڭ ديپلوماتيالىق وكىلدىكتەرىنىڭ باسشىلارى مەن قۇزىرەتتى مەكەمەلەر وكىلدەرى قاتىستى، دەپ حابارلايدى قازاقپارات. كەلىسسوزدەر بارىسىندا تاراپتار شارت- قۇقىقتىق بازانى دامىتۋ، اتاپ ايتقاندا، ەكى ەل ازاماتتارىنىڭ شەكارادان ءوتۋ ءتارتىبى، قانداستاردىڭ قازاقستانعا قونىس اۋدارۋى، كونسۋلدىق الىمداردىڭ ولشەمىن ۋنيفيكاتسيالاۋ جانە كولىك قۇرالدارىنىڭ جۇرگىزۋشىلەرىنە ۆيزالار بەرۋ ماسەلەلەرى تالقىلاندى. سونىمەن بىرگە، ازاماتتاردىڭ قۇقىقتارى مەن مۇددەلەرىن قورعاۋ سالاسىنداعى ەكىجاقتى ىنتىماقتاستىقتى كەڭەيتۋ بويىنشا كەلىسسوزدەر جۇرگىزىلدى. كونسۋلتاتسيالاردىڭ ناتيجەسى بويىنشا تاراپتار كونسۋلدىق بايلانىستاردىڭ بارلىق باعىتتارى بويىنشا ىنتىماقتاستىقتى ودان ءارى دامىتۋعا دايىندىعىن راستادى.