بۇل تۋرالى «قازاقپارات» ح ا ا» ا ق تىلشىلەرىمەن كەزدەسۋ بارىسىندا باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين ءمالىم ەتتى، دەپ حابارلايدى قازاقپارات ءتىلشىسى.
«قازىرگى كەزدە ۇيالى بايلانىستىڭ ەكى ءىرى وپەراتورى بار، ياعني «قازاق تەلەكوم» كومپانيالار («Tele 2» مەن «Kcell») توبى جانە «Beeline « بار.
نارىقتا تاعى ءبىر وپەراتور پايدا بولۋى مۇمكىن. الايدا وندا پروبلەما بار، ول راديوجيىلىكتەرگە قول جەتكىزبەگەن. وعان الدىمەن ليتسەنزيا الىپ، ودان كەيىن راديوجيىلىككە مۇمكىندىك بولاتىندىعى ۇسىنىلىپ وتىر...
جالپى، بۇل باعىتتاعى ماسەلەنى شەشىپ جاتىرمىز. الداعى جىلى ۇيالى بايلانىستىڭ تاعى ءبىر وپەراتورى نارىققا كىرۋى مۇمكىن.
ول «ترانس تەلەكوم» جەرگىلىكتى وپەراتورى بولادى»، - دەدى س. جۇمانعارين.
ونىڭ ايتۋىنشا، 2025-جىلعا قاراي جاڭا وپەراتور نارىقتىڭ 5 پايىزىن قامتۋى مۇمكىن. ءبىراق تا بۇل باعىتتا ەسەپتەۋلەر راستالماۋى ىقتيمال.
«نەگىزىنەن، بۇل وپەراتورلاردا نارىقتاعى ءوسىمى جىلدام بولادى. ازىرگە، 2025-جىلعا دەيىن ول نارىقتىڭ 1,5 پايىزىن قامتۋى مۇمكىن ەكەنىن ەسكەرىپ وتىرمىز»، - دەدى اگەنتتىك باسشىسى.