«قاراعاندى وبلىسىندا سۋ-30س م ۇشاعىنىڭ اپاتقا ۇشىراۋ سەبەپتەرىن تەكسەرۋ جونىندەگى ارنايى كوميسسيا بارلىق ىقتيمال نۇسقانى قاراستىرىپ جاتىر. ولاردىڭ ءبىرى - اسكەري بورتتىڭ قۇستارعا سوقتىعىسۋى.
(...) قۇس سوعىلعان كەزدە قوزعالتقىش اجىراتىلادى، ال ەگەر بىرنەشە قۇس بولسا، وندا ەكى قوزعالتقىش ىستەن شىعادى. اۆياتسيادا بۇل ەڭ ءقاۋىپتى جاعداي سانالادى. ويتكەنى ۇشاقتار قوزعالتقىشتاردىڭ كەم دەگەندە بىرەۋى جۇمىس ىستەسە، ۇشۋىن جالعاستىرا الادى جانە ءقاۋىپسىز قونادى»، - دەدى قورعانىس مينيسترلىگى وكىلدەرى.
قازىرگى ۋاقىتتا اۋەجايلار مەن اسكەري اەرودرومدار قۇستاردى قورقىتاتىن قۇرىلعىلارمەن جابدىقتالعان. بۇل ءۇشىن اكۋستيكالىق زەڭبىرەكتەر، پيروتەحنيكا جانە باسقا دا قۇرالدار قولدانىلادى. دۇنيەجۇزىندە قۇستارعا قاتىسى اۆياتسيا ماسەلەلەرىن تولىق شەشۋ جولى ءالى تابىلعان جوق. سوندىقتان قاقتىعىستار ۇنەمى بولىپ تۇرادى. ستاتيستيكالىق مالىمەتتەر بويىنشا، الەمدە جىلىنا 5 مىڭنان اسا اۋە كەمەلەرىنىڭ قۇستارمەن سوقتىعىسۋ جاعدايى تىركەلەدى ەكەن.
«ۇشقىشتار ۇشاقتى باسقارۋ كەزىندە ومىرىنە ءقاۋىپ تونگەنشە قولدان كەلگەننىڭ ءبارىن جاسادى. ۇشاق باسقارىلماي، كابينا تۇتىنگە تولىپ، تۇرعىنداردىڭ ومىرىنە ءقاۋىپ تونبەيتىنىنە، سونداي- اق جەردەگى نىساندار قيرامايتىنىنا كوز جەتكىزگەندە، ۇشقىشتار كاتاپۋلت شەشىمىن قابىلدادى.
ۇشقىشتار ۇشاقتى سوڭىنا دەيىن ساقتاپ قالۋعا جانە ونى اسكەري ءبولىمنىڭ ارنايى قۇتقارۋ بولىمشەلەرى ورنالاسقان اۋەايلاققا قوندىرۋعا تىرىستى»، - دەدى مينيسترلىكتەگىلەر.
ۆەدومستۆو مالىمەتى بويىنشا، ەكى ۇشقىش تا ەكىنشى ساناتتى جانە كاسىبي تاجىريبەسى جەتكىلىكتى. اقتوبە قالاسىنداعى اۋە قورعانىس كۇشتەرىنىڭ اسكەري ينستيتۋتىن بىتىرگەن. ۇشقىشتاردىڭ ۇشۋ ۋاقىتى شامامەن 1500 ساعات.
ايتا كەتەيىك، 16-ساۋىردە قاراعاندى وبلىسىنداعى بالقاشتاعى وقۋ اۆياتسيالىق ورتالىعىندا سۋ-30س م كوپفۋنكتسيونالدى جويعىش ۇشاق اپاتقا ۇشىراعانى حابارلانعان ەدى.