جىل باسىنان بەرى كاسىپكەرلەرگە قىزمەت كورسەتۋ ورتالىعىنىڭ تۇلكىباس اۋداندىق بولىمشەسى ارقىلى ءوز جەكە كاسىبىن اشۋعا جانە ۇلعايتۋعا نيەت بىلدىرگەن 500 دەن استام ازاماتقا كەڭەستەر بەرىلگەن. ناتيجەسىندە 42 ۇمىتكەرگە بيزنەس جوسپار تۇزۋگە قولداۋ كورسەتىلگەن. جالپى سوماسى 187 ميلليون 600 مىڭ تەڭگەنى قۇرايتىن 26 جوبا جۇزەگە اسىرىلعان. وسىنداي قولداۋدىڭ جەمىسىن كورىپ، كاسىبىنىڭ كوكجيەگىن كەڭەيتىپ وتىرعان كاسىپكەرلەردىڭ ءبىرى اقبيىك اۋىلدىق وكرۋگىنىڭ تۇرعىنى وراز رىسقۇلبەكوۆ.
وتكەن جىلى «يگىلىك» مەملەكەتتىك باعدارلاماسى شەڭبەرىنە ول 6 ميلليون تەڭگە جەڭىلدەتىلگەن نەسيە الىپ، قوراسىن 90 باس قازاقى جانە ەدىلباي قويلارىمەن تولىقتىرعان. بۇگىنگى تاڭدا ۇساق مال باسىن ەكى ەسەلەپ، 180 باسقا جەتكىزىپ وتىر. الداعى ۋاقىتتا شارۋا ەت باعىتىنداعى ۋاق مال باسىن كوبەيتىپ، ەت كۇيىندە ساۋدا قاتارلارىنا وتكىزۋدى جوسپارلاۋدا. بۇگىندە اۋداندا اۋدان اكىمى نۇرلان بايعۇتتىڭ تاپسىرماسىمەن كاسىپكەرلىكتى دامىتۋعا باعىتتالعان «جوبالىق كەڭسە» جۇمىس ىستەۋدە. كارانتيننەن زارداپ شەككەن اۋدان ەكونوميكاسىن قالىپتى جاعدايعا كەلتىرۋدىڭ بىردەن- ءبىر تەتىگى كاسىپكەرلىك سالاسىن دامىتۋ بولسا، جوبالىق كەڭسەنىڭ نەگىزگى جۇمىس باعىتى - كاسىپكەرلەرگە مەملەكەت تاراپىنان جەڭىلدەتىلگەن نەسيەلەر ارقىلى قولداۋدى كۇشەيتۋ مەن باعىت- باعدار بەرۋ بولۋدا.