نۇر-سۇلتاندا قالانى سانيتارلىق تازالاۋ جانە اباتتاندىرۋ جۇمىستارى كۇن سايىن جۇرگىزىلىپ جاتىر. كوممۋنالدىق سەنبىلىكتەر باستالعاننان بەرى 940 توننادان استام قوقىس شىعارىلدى. ال رۇقسات ەتىلمەگەن ورىنداردان تاعى 72 توننا قوقىس تازالاندى. بيىل ەكولوگيانى جاقسارتۋ جانە قالا تۇرعىندارىنا قولايلى جاعداي جاساۋ ءۇشىن 1 ميلليونعا جۋىق جاسىل جەلەك (اعاشتار، كوشەتتەر، بۇتالار، اعاش شارباقتار) وتىرعىزۋ جوسپارلانىپ وتىر.
قالانى تازا ۇستاۋ جانە اباتتاندىرۋ جۇمىستارى 24/7 رەجيمىندە جۇرگىزىلەدى. سانيتارلىق تازالاۋ جانە اباتتاندىرۋ اۋقىمدى جۇمىستارعا كۇن سايىن جول بويىنىڭ 2200 دەن استام جۇمىسشىسى جانە ءبىر مىڭنان استام ارنايى تەحنيكا جۇمىلدىرىلادى. ونىڭ بارىسىندا كوپىرلەردى، قورشاۋلاردى، جول بەلگىلەرىن جۋۋ، قوعامدىق ورىنداردا (ساياباقتار، سكۆەرلەر، بۋلۆارلار، اۋلالار) تازالىق جۇمىستارىن جۇرگىزۋ، ورامىشىلىك اباتتاندىرۋ، قۋراپ قالعان بۇتاقتاردى كەسۋ سونداي-اق، ەلوردا جولدارىن ۇزاققا سوزىلعان قىستان كەيىن ارنايى سۋسابىنمەن جۋۋ جوسپارلانىپ وتىر.
ەكولوگيالىق اكتسيالار جانە كوممۋنالدىق سەنبىلىكتەر 10- ساۋىردەن باستاپ قالادا «بىرگە تازا قازاقستان» ەكولوگيالىق اكسياسى وتكىزىلۋدە. وسى كەزەڭدە پوليگونعا 940 توننادان استام قالدىق شىعارىلدى. سانيتارلىق نورمالاردى ساقتاي وتىرىپ، كوممۋنالدىق سەنبىلىكتەرگە پيك، قۇرىلىس كومپانيالارى، شاعىن جانە ورتا بيزنەس سۋبەكتىلەرى، بەلسەندى قالا تۇرعىندارى جانە تاعى باسقا ۇجىمدار بەلسەندى قاتىسۋدا.
مىسالى، اكىمدىكتىڭ تاپسىرماسى بويىنشا قۇرىلىس كومپانيالارى اۋماقتى قوقىستان تازارتۋ جۇمىستارىن جۇرگىزىپ، دوڭگەلەك جۋۋ پۋنكتەرىن اشادى، كىرەبەرىس جولداردى تەگىستەيدى. ال اباتتاندىرۋ ەرەجەلەرى بۇزىلعان جاعدايدا قۇرىلىس كومپانيالارى ايىپپۇل تولەيدى، ءتىپتى جۇمىستارىن توقتاتۋعا دەيىنگى شارالار قولدانىلادى.
جالپى العاندا، بۇگىنگە دەيىن كوممۋنالدىق سەنبىلىكتەرگە قالانىڭ 1900 گە جۋىق كاسىپورنى مەن ۇيىمى قاتىستى. اۋداندىق اكىمدىكتەر سونداي-اق اعاش وتىرعىزۋ جۇمىستارىن جۇرگىزىپ، رۇقسات ەتىلمەگەن ورىنداردان 72 توننا قوقىس شىعاردى.
اعاش وتىرعىزۋ ەكولوگيانى جاقسارتۋ جانە قالا تۇرعىندارىنا قولايلى جاعداي جاساۋ ءۇشىن اعاش وتىرعىزۋ جۇمىستارى جۇرگىزىلۋدە.
بيىل بارلىعى 1 ميلليونعا جۋىق جاسىل جەلەك (اعاشتار، كوشەتتەر، بۇتالار، اعاش شارباقتار) وتىرعىزۋ جوسپارلانىپ وتىر.
وسىلايشا، نۇر-سۇلتاندا جاسىل ەكولوگيالىق ايماقتار پايدا بولادى. جول جۇمىستارى قالادا ءبىرقاتار جول جۇمىستارى جۇرگىزىلۋدە: بەلگىلەر ورناتۋ، جيەكتاستاردى قالپىنا كەلتىرۋ، شۇڭقىرلاردى جوندەۋ جۇمىستارىن جۇرگىزۋ. وتكەن جىلى 170 تەن استام كوشە جوندەلدى، ونىڭ 100 ءى تۇرعىن ءۇي الاپتارىندا ورنالاسقان. بيىل سونداي-اق قالانىڭ ەسكى بولىگىنە، تۇرعىن ءۇي الاپتارىنا، قوزعالىس قارقىندىلىعى جوعارى ۋچاسكەلەرگە جانە تاعى باسقاسىنا باسا نازار اۋدارىلاتىن بولادى.