ونى قالا پەداگوگتارى بەزەندىردى، دەپ حابارلايدى قازاقپارات ءتىلشىسى.
ادەبي ايالداما ماتەريالدارى قاراعاندى وبلىسىنىڭ اقتوعاي اۋدانىنىڭ تۋمالارى - ءاليحان بوكەيحانوۆ، جاقىپ اقبايەۆ جانە ءالىمحان ەرمەكوۆ تۋرالى باياندايدى. بالقاشتىقتار QR كود ارقىلى ولاردىڭ ومىربايانىمەن جانە ەڭ تانىمال ەڭبەكتەرىمەن تانىسا الادى.
ەستەرىڭىزگە سالا كەتەيىك، وتكەن جىلى بالقاشتا ەكى ادەبي ايالداما پايدا بولعان ەدى. پاۆيلونداردىڭ ءبىرى ابايدىڭ 175 جىلدىعىنا ارنالعان. ونىڭ ىشكى جاعىندا ۇلى اقىن مەن ويشىلدىڭ بەينەسىن، ونىڭ ءومىر سۇرگەن جىلدارى تۋرالى مالىمەتتەردى، سونداي- اق «تولىق ادام» فيلوسوفيالىق فورمۋلاسىنىڭ نەگىزگى قاعيدالارىنان قازاق جانە ورىس تىلدەرىندەگى ۇزىندىلەردى كورۋگە بولادى. ايالدامانىڭ سىرتقى جاعىندا بالقاشتىڭ لوگوتيپى مەن ءانۇرانى ورنالاسقان.
ەكىنشى پاۆيلون ءال- فارابيدىڭ قۇرمەتىنە بەزەندىرىلگەن. ول ابايعا ارنالعان ايالداماعا قاراما- قارسى ورنالاسقان، وندا دا فوتوسۋرەتتەر، قىسقاشا ءومىربايان مالىمەتى، عالىم مەن فيلوسوفتىڭ ەڭبەكتەرىنەن ۇزىندىلەر بار.
بۇل جۇمىستى مادەنيەت قىزمەتكەرلەرى جەكە كاسىپكەر باقتيار مىرزابايەۆتىڭ دەمەۋشىلىگىمەن قازاقستان تاۋەلسىزدىگىنىڭ 30 جىلدىعىن مەرەكەلەۋگە دايىندىق اياسىندا ۇيىمداستىردى. قالاداعى اۆتوبۋس ايالدامالارىن بەزەندىرۋ جۇمىستارى ودان ءارى جالعاساتىن بولادى.