دەپ حابارلايدى قازاقپارات اتالمىش جوعارى وقۋ ورنىنىڭ باسپا ءسوز قىزمەتىنە سىلتەمە جاساپ.
پاندەميا باستالعان كەزدە كوپتەگەن تەحنولوگيالىق كومپانيالار مەديتسينا قىزمەتكەرلەرىنە ارنالعان قورعانىس ەكراندارىنىڭ ءارتۇرلى نۇسقالارىن شىعاردى. كەيبىر كومپانيالار ءتىپتى ءوز نۇسقالارىن جاساعىسى كەلەتىندەرگە ازىرلەمەلەرىن اشىق ۇسىندى. كوپتەگەن ۇلگىلەر D3- پرينتەرمەن جاسالادى. ادەتتە وسىنداي ءبىر قورعانىس ەكرانىن باسىپ شىعارۋ ورتاشا ەسەپپەن 1,5-2 ساعات ۋاقىت الادى. سوندىقتان قازۇۋ- لىق جاستار ۆيرۋسقا قارسى قورعانىس ەكراندارىنىڭ وزىندىك نۇسقاسىن ازىرلەدى.
ونىڭ باستى ەرەكشەلىگى - دايىنداۋ جىلدامدىعىنىڭ تيىمدىلىگىندە. مۇنداي قورعانىس ەكراندارىن ءوندىرۋ ءۇشىن D3- پرينتەردىڭ قاجەتتىگى تالاپ ەتىلمەيدى. سونداي- اق تەحنولوگيا دايىنداۋ بارىسىن 5-6 ەسە جەدەلدەتۋگە مۇمكىندىك بەرەدى. جوبا ازىرلەۋشىلەرىنىڭ ايتۋىنشا، كۇنىنە 2 ادام 100-گە جۋىق قورعانىس ەكرانىن دايىنداي الادى. ەلىمىز جانە الەم بويىنشا اۋرۋدى جۇقتىرۋشىلار سانى كۇن ساناپ ۇدەپ جاتقان قازىرگى جاعدايدا بۇل وتە ماڭىزدى.
«بەت قورعانىس ەكرانىنىڭ انتيستاتيكالىق ماتەريالىنىڭ شىنايىلىعى پايدالانۋشىعا كوز الدىنداعى وبەكتىلەرگە كەدەرگىسىز شولۋ جاساۋعا مۇمكىندىك بەرەدى. ەكران ۆيرۋسپەن بىرگە ءتۇرلى سۇيىقتىقتار مەن شاڭ- توزاڭداردىڭ بەت پەن كوزگە تۇسۋىنەن قورعايدى. ناتيجەسىندە COVID-19 كوروناۆيرۋسىن جۇقتىرۋ قاۋپىن بىرنەشە ەسە تومەندەتەدى»، - - دەيدى قازۇۋ تەحنوپاركىنىڭ ديرەكتورى ءامىرحان تەمىربايەۆ.
ءونىمنىڭ العاشقى تۇتىنۋشىلارىنىڭ ءبىرى ۋچاسكەلىك دارىگەر روزگۇل ۇركەمبايەۆا:
«قازۇۋ تەحنوپاركى دايىنداعان قورعانىس ەكرانىن جارتى جىلدان استام پايدالانىپ كەلەمىن. وتە ىڭعايلى، جاعىمدى ماتەريال ءارى بەت ولشەمىڭە قاراي بەيىمدەلەدى. كۇنى بويى تاعۋعا قولايلى. اينالانى انىق كورەمىن، ءتىپتى كەيدە بەتىمدە قورعانىس ەكرانىنىڭ بار ەكەنىن دە ۇمىتىپ كەتەمىن. زالالسىزداندىرعاندا ساپاسى ەش وزگەرمەيدى. پاندەميا كەزىندە ەلگە اسا قاجەت ءونىم ءارى بىزگە كومەك رەتىندە سىيعا تارتىلدى»، - دەپ وندىرۋشىلەرگە العىسىن ءبىلدىردى.
تەحنوپارك ماماندارى ۋنيۆەرسيتەت قولداۋىمەن الەۋمەتتىك جوبا اياسىندا ءونىمنىڭ العاشقى لەگىن شىعارىپ، قالا بويىنشا مەديتسينا قىزمەتكەرلەرىنە تاراتىپ بەردى. قورعانىس قۇرالىنىڭ قۇنى، نارىقتاعى باسقا نۇسقالارمەن سالىستىرعاندا، ەكى ەسە تومەن، ال ساپاسى جوعارى. ALFASHIELD ەكراندارىن ءار قولدانار الدىندا انتيسەپتيكپەن ءسۇرتىپ، قايتا پايدالانا بەرۋگە بولادى. قازۇۋ عالىمدارى دايىنداعان كەزەكتى وتاندىق ءونىمدى مەديتسينا قىزمەتكەرلەرىمەن قاتار، كوپشىلىكپەن تىعىز جۇمىس جاسايتىن بانك، ءبىلىم بەرۋ ورتالىقتارى، ح ق ك و، ساۋدا دۇكەندەرى، سۇلۋلىق سالوندارىنىڭ قىزمەتكەرلەرى مەن بورتسەرىكتەرگە تاعۋ ۇسىنىلادى.