ونىڭ ايتۋىنشا، ەگەر زات (سۇيىقتىق) ادام اعزاسىنا اۋىز نەمەسە مۇرىنمەن اسقازان-ىشەك جولدارى ارقىلى تۇسەتىن بولسا، ورازا بۇزىلادى. ال ۆاكسينا ينەكسيا جولىمەن ەنگەندە ورازا بۇزىلمايدى. «قازىر كوروناۆيۋرس تەك ءبىزدىڭ ەلگە عانا ەمەس، كۇللى الەمگە قاۋىپ توندىرۋدە. عالىمدار مەن مەديتسينا قىزمەتكەرلەرى ودان قۇتىلۋدىڭ جولىن ىزدەستىرىپ جاتىر. دارىگەرلەر قازىر بۇل ىندەتتەن قۇتىلۋدىڭ بىردەن- ءبىر جولى رەتىندە ەكپە سالۋدى ۇسىنىپ وتىر. ءوزىم دارىگەرلەرگە سەنەمىن. سوندىقتان جاپپاي ۆاكسينا العانىمىز دۇرىس. ەكپەنىڭ شاريعاتقا ەشقانداي قايشىلعى جوق»، - دەدى قالانىڭ باس يمامى.
ە. شوقاي دارۋمەنگە جاتپايتىن، تەك ەمدەۋ ماقساتىندا قولدانىلاتىن ينەكسيالارعا رۇقسات بەرىلگەنىن ايتتى.
«ۆاكسينالاۋ ينفەكسيالىق اۋرۋلاردىڭ الدىن الادى جانە ادامنىڭ يممۋنيتەتىن كوتەرەدى. ۆاكسينا دارۋمەن ەمەس. سول سەبەپتى ەكپە تەرىنىڭ استىنا، بۇلشىق ەتكە نەمەسە قان ارقىلى ەنگىزىلسە، ورازا بۇزىلمايدى»، - دەدى الماتى مەشىتىنىڭ باس يمامى. سونداي-اق بريفينگ بارىسىندا پتر تەستتەن ءوتۋ ورازانى بۇزبايتىنى دا ايتىلدى. يمامنىڭ ايتۋىنشا، تەك ىشكە تاماق، نە سۋ قابىلداعاندا عانا بۇزىلادى.
اۆتور: الما مۇقانوۆا