«حالىقتى ۆاكسيناتسيالاۋ قارقىنى الەمدىك ەكونوميكانى قالپىنا كەلتىرۋدىڭ باستى شارتىنا اينالدى. يزرايل، اقش، ۇلىبريتانيانى قوسا العاندا، دامىعان ەلدەر جاپپاي ۆاكسيناتسيانى ءبىرىنشى بولىپ باستادى، اۋرۋدىڭ تومەندەۋىن تىركەپ، قاتاڭ شەكتەۋلەردى بىرتىندەپ الىپ تاستادى. يزرايل باسقا ەلدەردەن وزىپ، بيىلعى جىلعى ساۋىردە ەرەسەك تۇرعىنداردىڭ ۆاكسيناتسيالانۋىن اياقتاۋدى جوسپارلاپ وتىر. ەۋرووداقتا كوروناۆيرۋس تارالۋىنىڭ جوعارى دەڭگەيىنە جانە ۆاكسينالاردى جەتكىزۋدەگى كىدىرىستەرگە، سونىڭ ىشىندە ءوندىرۋشى ەلدەردىڭ ۆاكسينالىق پروتەكسيونيزمىنە بايلانىستى قاتاڭ شەكتەۋلەر قولدانىلۋدا»، - دەدى ۇ ب باسشىسى ۇكىمەت وتىرىسىندا بيىلعى قاڭتار- ناۋرىزدا ەلدىڭ الەۋمەتتىك- ەكونوميكالىق دامۋ قارقىنىن تالقىلاۋ كەزىندە.
ونىڭ ايتۋىنشا، ۆاكسينالاۋ قارقىنى بويىنشا دامۋشى ەلدەر دامىعان ەلدەردەن ايتارلىقتاي ارتتا قالىپ وتىر، بۇل الەمدىك ەكونوميكانىڭ بىركەلكى قالپىنا كەلۋىنە كەدەرگى كەلتىرەدى. ۆاكسيناتسيامەن ىلگەرىلەۋ ەسەبىنەن دامىعان ەلدەر رەتسەسسيادان ءبىرىنشى بولىپ شىعادى جانە الەمدىك ەكونوميكانىڭ ءوسۋ درايۆەرلەرىنە اينالادى.
«حالىقارالىق ۆاليۋتا قورى ساۋىردەگى بايانداماسىندا الەمدىك ەكونوميكانىڭ ءوسۋى بويىنشا بولجامدى 2021 -جىلى 5,5 پايىزدان 6 پايىزعا دەيىن جاقسارتتى. ونىڭ ىشىندە دامىعان ەلدەر بويىنشا - 4,3 پايىزدان 5,1 پايىزعا دەيىن، دامۋشى ەلدەر بويىنشا - 6,3 پايىزدان 6,7 پايىزعا دەيىن جاقسارتتى. قازاقستان بويىنشا حالىقارالىق ۆاليۋتا قورى 3,2 پايىز دەڭگەيىندە ءوسۋدى كۇتۋدە، بۇل الدىڭعى بولجامنان 0,2 پروتسەنتتىك تارماققا جوعارى»، - دەدى ە. دوسايەۆ.
«بيىلعى جىلعى ناۋرىزدا جاھاندىق ەكونوميكالىق بەلسەندىلىك يندەكسىنىڭ 53,2 تارماقتان 54,8 تارماققا دەيىن ءوسۋى الەمدىك ەكونوميكانىڭ قالپىنا كەلۋ بەلگىلەرىن راستايدى، بۇل سوڭعى 6,5 -جىلداعى ەڭ جوعارى كورسەتكىش بولىپ سانالادى. يندەكسكە اقش ۇلكەن ۇلەس قوستى، وندا يندەكس 59,7 گە جەتتى، بۇل جەكە سەكتورداعى 2014 -جىلدان بەرگى ەڭ تەز قالپىنا كەلۋدى بىلدىرەدى. سونىمەن قاتار گەرمانيا، ۇلىبريتانيا، ءۇندىستان، اۆستراليا جانە قىتاي ەڭ كوپ ۇلەس قوستى»، - دەدى ول.