ورتالىق كوممۋنيكاتسيالار قىزمەتىندە وتكەن بريفينگ بارىسىندا ب ا ق وكىلى مينيسترگە: «دەنساۋلىق ساقتاۋ مينيسترلىگىنىڭ ءوزىن- ءوزى ەمدەۋگە قاتىستى ۇستانىمى قانداي؟ قازىر WhatsApp چاتتارىندا ليانحۋا سينۆەن كاپسۋلاسى سىندى قىتاي دارىسىنە قاتىستى اقپارات تاراپ ءجۇر. اتالعان ءدارىنىڭ رەسمي ساتىلاتىندىعىنا دا كۇمان بار. اتالعان كاپسۋلا مەن وزگە دە قىتاي دارىلەرى ءدارى- دارمەك تىزىلىمىنە جانە ەمدەۋ حاتتاماسىنا كىرە مە؟»، - دەپ سۇراعان ەدى.
«ءبىز ازاماتتارعا ءوزىن- ءوزى ەمدەۋمەن مۇلدەم اينالىسپاۋعا كەڭەس بەرەمىز. ويتكەنى، اۋرۋلاردىڭ بارلىعى بىردەي بىردەن بايقالا بەرمەيدى. كەيبىر اۋرۋلاردىڭ، ونىڭ ىشىندە كوروناۆيرۋس ينفەكتسياسىنىڭ دا قاتپارلانۋى ءجيى بايقالادى. دارىلىك زاتتى تاعايىنداۋ تۋرالى شەشىمدى دارىگەر عانا قابىلداۋى ءتيىس ەكەندىگىن ءتۇسىنۋ وتە ماڭىزدى»، - دەپ جاۋاپ بەردى الەكسەي سوي. سونىمەن قاتار دەنساۋلىق ساقتاۋ ءمينيسترى ليانحۋا سينۆەن كاپسۋلاسى بيولوگيالىق بەلسەندى قوسپا ەكەندىگىن، ونىڭ ەلىمىزدە تىركەلۋىنە قاتىستى مالىمەت الۋ ءۇشىن ءتيىستى ۆەدومستۆوعا حابارلاسۋ قاجەتتىگىن ايتتى.
«ەگەر پرەپارات قازاقستاندا تىركەلمەسە، وندا رەسپۋبليكا اۋماعىندا تاراتۋعا رۇقسات جوق. مۇنداي جاڭا زاتتار كوبىنە بيولوگيالىق بەلسەندى قوسپا رەتىندە تىركەلەدى جانە ەمدەۋدىڭ كلينيكالىق ستاندارتىنا كىرمەيدى»، - دەدى ول.