بۇل جايىندا ق ر دەنساۋلىق ساقتاۋ مينيسترلىگى سانيتارلىق- ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا ايتتى، دەپ حابارلايدى قازاقپارات ءتىلشىسى.
«شىنىمەن دە بۇگىندە ءتىپتى ادەبيەتتەردىڭ وزىندە قايتا جۇقتىرۋ جاعدايلارىنىڭ ورىن الۋى مۇمكىن ەكەندىگى تۋرالى مالىمەتتەر پايدا بولا باستادى. بۇل كوروناۆيرۋستىڭ جاڭا مۋتاتسياعا ۇشىراعان تۇرلەرىنىڭ اينالىمعا تۇسۋىمەن بايلانىستى بولۋى ىقتيمال. قازىرگى ۋاقىتتا سيمپتومدى نەمەسە سيمپتومسىز جاعدايلاردىڭ قايتالانۋ سانى قانشا، وسى اۋرۋلار اراسىنداعى ينتەرۆال قانداي ەكەندىگىن ءتۇسىنۋ ءۇشىن اقپاراتتىق جۇيەمەن سالىستىرىپ تەكسەرۋ جۇرگىزىپ جاتىرمىز»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، سالىستىرىپ تەكسەرۋدىڭ ناتيجەسىن كوروناۆيرۋستىڭ قايتا جۇقتىرۋ مۇمكىندىگى تۋرالى ناقتى دەرەك پايدا بولادى.
«مەديتسينالىق ادەبيەتتەرگە سايكەس، ءۇش ايعا دەيىن وڭ ناتيجە بەرۋى مۇمكىن ۆيرۋس جارىقشاقتارى بولۋى دا ىقتيمال. ءتىرى ۆيرۋس بولماعانىمەن وتە سەزىمتال پ ت ر تەستىلەۋ ۆيرۋس تۇقىمنىڭ كىشكەنتاي ۋچاسكەسىن انىقتاۋى مۇمكىن. سوندىقتان دا سالىستىرىپ تەكسەرۋ جۇرگىزىلىپ جاتىر»، - دەدى كوميتەت ءتوراعاسى.