«باس سانيتار دارىگەردىڭ قاۋلىسىنا سايكەس 3-ساۋىردەن باستاپ قوعامدىق كولىك دەمالىس كۇندەرى 06:00 مەن 23:00 ارالىعىندا ۇزدىكسىز قىزمەت كورسەتەتىن بولادى»، - دەپ حابارلادى «Almaty Avtobustary» كومپانياسى.
قۇجاتقا سايكەس، ساۋدا ورتالىقتارى، ساۋدا ۇيلەرى جۇمىس كۇندەرى اشىق بولادى، دەمالىس كۇندەرى جۇمىس ىستەمەيدى. جۇمىس كۇندەرى ازىق-تۇلىك ساتىلمايتىن جابىق بازارلاردىڭ دا قىزمەتىنە رۇقسات بەرىلدى. اشىق بازارلار، سونداي-اق ازىق- تۇلىك ساتىلاتىن جابىق بازارلاردىڭ قىزمەتىنە جۇمىس كۇندەرى مەن سەنبىدە رۇقسات ەتىلەدى. قاۋلى بۇگىننەن باستاپ كۇشىنە ەنەدى. قاۋلىنىڭ تولىق ءماتىنى الماتى قالاسى بويىنشا سانيتاريالىق- ەپيدەميولوگيالىق باقىلاۋ دەپارتامەنتىنىڭ سايتىندا جاريالانعان.
اۆتور: الما مۇقانوۆا