نۇر- سۇلتان قالاسىنىڭ توتەنشە جاعدايلار دەپارتامەنتى وقيعانىڭ العاشقى دەرەكتەرىن ءمالىم ەتتى.
«بۇگىن ساعات 20:29-دا الماتى اۋدانى، تاۋەلسىزدىك داڭعىلى، 1/1 مەكەنجايىندا ورنالاسقان «الاتاۋ» سپورت سارايىنىڭ بەسىنشى قاباتىندا ءورت تۇتانعانى تۋرالى حابارلاما كەلىپ ءتۇستى. ءورت 20 شارشى مەتر اۋماقتى شارپىعان. كابينەتتىڭ توبەسى تۇگەل وتقا ورانعان»، - دەيدى دەپارتامەنتتىڭ باسپا ءسوز قىزمەتىندەگىلەر.
رەسمي دەرەك بويىنشا، ءورت ساعات 20:57 دە تولىق سوندىرىلگەن. قازا بولعاندار مەن زارداپ شەككەندەر جوق.
ءورتتى سوندىرۋگە جەكە قۇرامنان 39 ادام جانە 12 تەحنيكا جۇمىلدىرىلعان.