الماتىنى قالىڭ قار باسىپ قالدى

الماتى قالاسىندا 1-ساۋىردە تاڭەرتەڭ جاڭبىر جاۋىپ، سوڭى قارعا ۇلاستى. ساعات 18:00-دەگى جاعداي بويىنشا تاۋ ەتەگىندەگى اۋداندارعا 10- 12 س م، قالادا 3- 5 س م قار جاۋدى. قالانىڭ جوعارعى بولىگىندە كوكتايعاقتىڭ الدىن الۋ ءۇشىن، قار جاۋعاننان باستاپ، جولدارعا كوكتايعاققا قارسى ماتەريالدار سەبىلىپ، قار تازالانۋدا.

قالانىڭ ورتالىق بولىگىندە مۇنداي جۇمىستار 17:00-دە باستالدى. تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، اۆتوتۇراق قالتالارىن، جەر ءۇستى وتكەلدەرىن جانە ورتاق پايدالانىلاتىن جەرلەردى تازارتۋ جۇمىستارى جۇرگىزىلۋدە. قار تازالاۋ جۇمىسىنا 491 تەحنيكا بىرلىگى، ونىڭ ىشىندە 114 قۇملاقتىرعىش جۇمىلدىرىلدى. مىڭنان استام جۇمىسكەر قازىر كوشەلەردەگى قاردى كۇرەپ جاتىر. كوكتايعاققا قارسى 430 توننا ماتەريال پايدالانىلدى.

تۇنگى ۋاقىتتا 371 ارنايى تەحنيكا، ونىڭ ىشىندە 127 قۇملاقتىرعىش، سونداي- اق 400 گە جۋىق جول جۇمىسشىسى شىعادى دەپ جوسپارلانعان. اۋداندىق اكىمدىكتەر مەن قالا اكىمدىگىندە قار تازالاۋ جۇمىستارىن تاۋلىك بويى باقىلايتىن كەزەكشىلىك ۇيىمداستىرىلعان.