«ەجەلگى تۇركىستان قالاسى تۋرالى الەم ەلدەرى جاقسى بىلەدى جانە شاھار تۇركى تىلدەس ەلدەردىڭ تاريحىنا التىن ارىپپەن جازىلعان. بۇل قالا تۇركى تىلدەس الەمنىڭ بىرلىگىنىڭ سيمۆولى، سونداي- اق تۇركى وركەنيەتىنىڭ نەگىزى دەپ ايتۋعا بولادى»، - س. جاپاروۆ.
وسى ورايدا ول تۇركىستان قالاسىنىڭ تاريحي مۇراسى وتە زور ەكەنىن جانە تۇركى الەمىنىڭ وتە ماڭىزدى ورنى بولىپ سانالاتىنىن اتاپ ءوتتى. بۇدان بولەك ول تۇركى تىلدەس مەملەكەتتەردىڭ ىنتىماقتاستىق كەڭەسىنىڭ جۇمىسىنا العىسىن جەتكىزدى.
«وسى ۇيىم ارقىلى ەكونوميكالىق، مادەني، گۋمانيتارلىق جانە الەۋمەتتىك ماسەلەلەردى شەشۋ ءۇشىن كوپ تاراپتى قاتىنىستارىمىز جالعاستىرۋىمىز كەرەك. ۇيىم ەلدەرى كوروناۆيرۋس ينفەكتسياسى سالدارىن ەڭسەرە الادى دەگەن ۇمىتتەمىن. ءبىر- بىرىمىزگە كومەك كوسەتىپ، ءتۇرلى كوپ تاراپتى جوبالاردى جاساساق دەگەن ۇسىنىس بار. تۇركى كەڭەسى ينۆەستيتسيالىق قور جاساۋدى ۇيعاردى جانە بۇل وتە ماڭىزدى جوبا»، - دەدى قىرعىزستان پرەزيدەنتى.