قازاقستان مەن ەۋرووداق ەنەرگەتيكا سالاسىنداعى ىنتىماقتاستىقتى جالعاستىرماق

نۇر-سۇلتان. قازاقپارات - قازاقستان رەسپۋبليكاسىنىڭ ەنەرگەتيكا ءمينيسترى نۇرلان نوعايەۆ ەۋرووداقتىڭ قازاقستانداعى وكىلدىگىنىڭ باسشىسى سۆەن-ولوۆ كارلسسونمەن كەزدەسۋ وتكىزدى، دەپ حابارلايدى ق ر ەنەرگەتيكا مينيسترلىگىنىڭ باسپا ءسوز قىزمەتى.

كەزدەسۋ بارىسىندا تاراپتار ەنەرگەتيكا سالاسىنداعى، ونىڭ ىشىندە ەنەرگەتيكالىق حارتيا شارتىن جاڭعىرتۋ ۇدەرىسى، سونداي-اق كومىرسۋتەك شيكىزاتىن ءوندىرۋ جانە تاسىمالداۋ كەزىندەگى مەتان شىعارىندىلارىن مونيتورينگتەۋ تەتىكتەرى شەڭبەرىندەگى بىرلەسكەن ءوزارا ءىس-قيمىل ماسەلەلەرىن تالقىلادى.

سونىمەن قاتار، سۆەن-ولوۆ كارلسسون ەنەرگەتيكا ءمينيسترىن كليمات ماسەلەلەرى بويىنشا «قازاقستان رەسپۋبليكاسى - ەۋروپالىق وداق» اتتى الداعى بىرلەسكەن كونفەرەنتسيا جۇمىسىنا قاتىسۋعا شاقىردى.

ساپار قورىتىندىسى بويىنشا تاراپتار ەنەرگەتيكا سالاسىنداعى ءوزارا ءتيىمدى ىنتىماقتاستىقتى نىعايتۋ جونىندەگى جۇمىستى ودان ءارى جالعاستىرۋعا كەلىستى.

قازاقستاندا Eni، Shell، Total سياقتى ءبىرقاتار ەۋروپالىق كومپانيالار اۋقىمدى مۇناي-گاز جوبالارىندا، اتاپ ايتقاندا سولتۇستىك كاسپي، قاراشىعاناق جانە دوڭعا جوبالارىندا جۇمىس ىستەيدى. جىل سايىن قازاقستاندىق مۇناي ەكسپورتىنىڭ شامامەن � ە و ەلدەرىنە جىبەرىلەدى.