فۋتزالدان ەل چەمپيوناتى: جارتىلاي فينالعا شىققان ءتورت كوماندا انىقتالدى

نۇر-سۇلتان. قازاقپارات - فۋتزالدان قازاقستان چەمپيوناتى پلەي-وفف ساتىسىندا جارتىلاي فينالعا شىققان ءتورت كوماندا انىقتالدى، دەپ حابارلايدى قازاقپارات ءتىلشىسى.

ءتۋرنيردىڭ اتالعان كەزەڭىندە كوماندالار ەكى كەزدەسۋدەن وتكىزدى. جەڭىمپاز ۇجىم ەكى ويىن ناتيجەسى بويىنشا انىقتالدى.

الماتىنىڭ «قايراتى» كوكشەتاۋدىڭ «وقجەتپەسىن» ءسۇرىندىردى. العاشقى ويىندا قارسىلاسىن 6:0 ەسەبىمەن تىزە بۇكتىرگەن الماتىلىقتار قارىمتا كەزدەسۋدە 11:0 ەسەبىمەن باسىم ءتۇستى.

ال «اقتوبە» اقتاۋدىڭ «كاسپيىن» (7:5، 5:3)، «اتىراۋ» ورالدىق «بايتەرەكتى» (6:4، 5:4)، رۋدنىيلىق «ايات» «نۇر-سۇلتاندى» ( 5:2، 4:1) ورتا جولدا قالدىرىپ كەتتى.