ميللياردەردىڭ ايتۋىنشا، ۆيرۋستىڭ تارالۋىن ۆاكسيناتسيا توقتاتادى. بۇل تۋرالى ول TVN24 تەلەارناسىنا بەرگەن سۇحباتىندا ايتتى، - دەپ حابارلايدى Tengrinews.kz.
ءتىلشىنىڭ سۇراعىنا جاۋاپ بەرە وتىرىپ، بيلل گەيتس بۇكىل الەمدەگى شەكتەۋلەر بارلىق مەملەكەت COVID-19-دان تولىق ارىلعانشا ساقتالادى دەپ مالىمدەدى.
«2021 -جىلدىڭ سوڭىنا دەيىن ۆاكسيناتسيا دەڭگەيى جوعارى بولۋى مۇمكىن، سوندىقتان كوروناۆيرۋس جۇقتىرۋ دەرەگى ازايا باستايدى. دەگەنمەن، تولىق جويىلىپ كەتپەيدى. ءبىراق بۇكىل الەم پاندەميادان ارىلعانشا، ماسكا تاعۋ جانە كوپ ادامنىڭ جينالۋىنا تىيىم سالۋ سياقتى شەكتەۋلەر قالا بەرەدى»، - دەدى ول.
بيلل گەيتستىڭ ايتۋىنشا، الەم 2022 -جىلدىڭ سوڭىنا قاراي قالىپتى ومىرگە ورالادى. سونىمەن قاتار، ول پاندەمياعا قاتىسى بار دەگەن قاۋەسەتتى تاعى دا جوققا شىعاردى جانە الەمدە بولىپ جاتقان وقيعالاردى قاستاندىق دەپ سانايتىن ادامدارعا جاۋاپ بەردى.
«مۇنىڭ ءبارىن قاستاندىق دەپ ساناپ، ماسكا تاقپايتىن نەمەسە ۆاكسيناتسيادان باس تارتاتىن ادامداردى تۇسىنبەيمىن»، - دەدى ميللياردەر. بۇعان دەيىن بيلل گەيتس پاندەميا بۇكىل الەمدە اياقتالۋى ءۇشىن ادامدار جەتكىلىكتى جۇمىس ىستەپ جاتقان جوق دەپ مالىمدەگەن بولاتىن.
www.24.kz