نۇر-سۇلتاندا سىنىپتاعى بالا سانىن ازايتۋ ماسەلەسى قارالىپ جاتىر

بۇل تۋرالى نۇر-سۇلتان قالاسىنىڭ باس مەملەكەتتىك سانيتار دارىگەرى سارحات بەيسەنوۆا ايتىپ بەردى، دەپ حابارلايدى قازاقپارات ءتىلشىسى.

«نۇر-سۇلتان 10-ناۋرىزدان بەرى «قىزىل ايماقتا» تۇر. ءبىز جاڭا توقساننان باستاپ سىنىپتاعى بالا سانىن ازايتۋ ماسەلەسىن قاراستىردىق. اسىرەسە جوعارى سىنىپتاردا - 15 بالاعا دەيىن جانە تومەنگى سىنىپتاردا ەگەر «قىزىل ايماقتا» قالاتىن بولساق، بەسىنشى سىنىپقا دەيىن بالا سانىن ازايتۋ ماسەلەسى قارالادى. بالالار كانيكۋلعا شىققان كەزدە بۇل ماسەلە تالقىلانىپ جاتىر»، - دەدى س. بەيسەنوۆا ەلوردا اكىمدىگىندە وتكەن ونلاين بريفينگتە.

ايتا كەتەيىك، ەلوردادا قاشىقتان وقيتىندار اراسىندا ك ۆ ي جۇقتىرۋ جاعدايى كوبەيگەن. وقۋ جىلىنىڭ باسىنان 25-ناۋرىزعا دەيىنگى ك ۆ ي جاعدايى بويىنشا وقۋشىلار اراسىندا 1590 جاعداي تىركەلدى. ونىڭ ىشىندە وففلاين رەجيمدە وقۋشىلار اراسىندا 0,6 (1103 جاعداي)، قاشىقتان وقيتىندار اراسىندا - i,4. وقۋ جىلىنىڭ باسىنان بەرى نۇر-سۇلتان قالاسى بويىنشا 92 مەكتەپ كارانتينگە جابىلعان. بۇعان دەيىن سارحات بەيسەنوۆا ەلورداداعى ك ۆ ي جۇقتىرۋ ستاتيستيكاسىن جاريالاعان ەدى. ەلوردادا كوروناۆيرۋس جۇقتىرعاندار كۇنىنە 150 دەن 280 گە دەيىن تىركەلەدى.

اۆتور: ايجان سەرىكجان قىزى