ب ق و ت ج دەپارتامەنتىنىڭ باسپا ءسوز قىزمەتى ءمالىم ەتكەندەي، وقيعا اقجايىق اۋدانى قابىرشاقتى اۋىلى ماڭىندا بولعان. بۇگىن ساعات 11.06-دا كوشىم كانالىنا Mitsubishi Pajero اۆتوكولىگىنىڭ مۇزدىڭ استىنا ءتۇسىپ كەتكەنى جونىندە حابار جەتكەن.
نەگىزى اۆتوكولىك تۇندە باتقان، ابىروي بولعاندا، بالىقشىلار شىعىپ ۇلگەرگەن. وقيعا ورنىندا قۇتقارۋشىلار جۇمىس جاساپ جاتقان كەزدە ساعات 13.48-دە ۋاز پاتريوت اۆتوكولىگىنىڭ مۇز استىنا ءتۇسىپ كەتكەنى جونىندە حابار كەلگەن. قۇتقارۋشىلار اۆتوكولىكتەن ەكى ادامدى الىپ شىقتى. بۇلار دا بالىقشىلار بولىپ شىقتى. ەكى وقيعادان دا زارداپ شەككەندەر جوق.
ب ق و ت ج دەپارتامەنتى تۇرعىندارعا مۇز ۇستىنە شىققان كەزدە، اسىرەسە، قازىرگىدەي كوكتەمگى ۋاقىتتا اسا ساق بولىپ، قاۋىپسىزدىك شارالارىن بۇلجىتپاي ساقتاۋ كەرەكتىگىن ەسكە سالادى. ەسكە سالا كەتەيىك، بۇدان بۇرىن ب ق و- دا ەرىگەن قار سۋى جولدى باسىپ قالعانىن جازعان بولاتىنبىز.
اۆتور: ەلجان ەرالى