زارداپ شەگۋشى پىشاق جاراقاتىمەن اۋرۋحاناعا جەتكىزىلدى، دەپ حابارلايدى قازاقپارات ءتىلشىسى. الماتى قالالىق پوليتسيا دەپارتامەنتىنىڭ مالىمەتىنشە، وقيعا 24-ناۋرىز كۇنى بولعان.
«جانىمنان ءوتىپ بارا جاتقان ادامنان زارداپ شەكتىم. ول مەنىڭ ارقاما پىشاق سالدى. وكپەمە دە زاقىم كەلدى. وتا جاسالدى. قازىر دەنساۋلىعىم جاقسى. دارىگەرلەرگە العىسىم شەكسىز العىس»، - دەپ جازدى جاراقات العان قىز Instagram-داعى پاراقشاسىندا.
سونىمەن قاتار، ول ءوزىن پىشاقتاعان ادامدى تانىمايتىنىن ايتتى. پوليتسيا دەپارتامەنتىنىڭ باسپا ءسوز قىزمەتى، كۇدىكتىنىڭ ۇستالعانىن ءمالىم ەتتى.
«كۇدىكتى 1969 -جىلى تۋعان ۆ. ەسىمدى مەگاپوليس تۇرعىنى بولىپ شىقتى. ول الكوگولدىك ماساڭ كۇيدە ءوتىپ بارا جاتقان قىزعا نەگىزسىز شابۋىل جاساپ، پىشاقپەن جاراقاتتاعان. قازىر قىز اۋرۋحانادا جاتىر. اتالعان فاكت سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قىلمىستىق كودەكسىنىڭ 293-بابى (بۇزاقىلىق) بويىنشا تىركەلگەن. تەرگەۋ ءجۇرىپ جاتىر»، - دەپ حابارلادى پوليتسيادان.
اۆتور: الما مۇقانوۆا