«بۇگىنگى وتىرىسقا كەلگەن ادامداردىڭ كوپشىلىگى ءبىرىنشى جەر كوميسسياسىنىڭ جۇمىسىنا قاتىسقان. سول كوميسسيانىڭ ارتىقشىلىعى مەن كەمشىلىگىن كوردىك، تاجىريبە جيناقتالدى. سوندىقتان ءبىرىنشى ۇلكەن ۇسىنىس - سول جەر كوميسسياسىنىڭ نەگىزگى حاتتاماسىندا جاسالعان باعىتتار بويىنشا مينيسترلىك (اۋىل شارۋاشىلىعى مينيسترلىگى) ەسەپ دايىنداسا. ءتيىس شەشىمدەر قابىلداندى نەمەسە «مىنا ۇسىنىستار نەگە قىبىلدانبادى» دەگەن ەسەپ بولۋى كەرەك. ويتكەنى، اتقارىلعان جۇمىستىق ناتيجەسى بولۋى كەرەك قوي؟!»، - دەدى دەپۋتات.
بۇدان بولەك ا. سارىم اقپارات پەن كاداستر ماسەلەسىنە توقتالدى.
«ول دا ءسوزسىز كەرەك، سەبەبى سەنىم بولماي، جەر ماسەلەسىندە ەشقانداي وزگەرىس جاسالمايتىنىن انىق كورىپ وتىرمىز. سونىمەن قاتار، «اۋىل شارۋاشىلىعى جەرلەرى، جايىلىم، شابىندىققا قاتىستى نەگە زاڭدار مەن قابىلدانعان باپتار جۇمىس ىستەمەي جاتىر» دەگەن كاسىبي تالداۋ جاساساق. كەرەك بولسا، ايماقتارعا شىعىپ، ەل ارالاپ، ارتىقشىلىعى مەن كەمشىلىگىن كوزىمىزبەن كورىپ، وسى تۋرالى كەشەندى جاڭا زاڭ جوباسىن دايىندايتىن مۇمكىندىك بولسا»، - دەدى دەپۋتات.
بۇدان بۇرىن حابارلانعانداي، جەر رەفورماسى جونىندەگى كوميسسيانىڭ ءبىرىنشى وتىرىسىندا قوعام قايراتكەرى مۇحتار تايجان اۋىلداعى جايىلىم جانە شابىندىق جەرلەر بويىنشا پروبلەمانى ايتتى. وسى ورايدا ول جەر كاداسترى اشىق بولۋى كەرەكتىگىن ۇسىندى.
اۆتور: رۋسلان عابباسوۆ