قازىرگى كەزدە ساراپشىلار بۇل شتامنىڭ قانشالىقتى جۇقپالى ەكەنىن جانە ونىڭ ۆاكتسينالارعا توزىمدىلىگىنىڭ دەڭگەيىن تەكسەرۋ ۇستىندە. 18 شتاتتا الىنعان 11 مىڭعا جۋىق اناليزدىڭ ىشىنەن ماماندار 771 ءىنىڭ عىلىمعا بۇرىننان بەلگىلى ۆيرۋستى انىقتادى. 736 اناليز نۇسقاسىنان بريتاندىق ۆيرۋس، 34 ىنەن - وڭتۇستىكافريكالىق ۆيرۋس جانە ءبىر برازيليالىق ۆيرۋس انىقتالعان.
بۇل رەتتە، مامانداردىڭ ايتۋىنشا، كوپتەگەن شتامداردىڭ بار بولۋى اۋرۋعا شالدىعۋدىڭ ورشۋىمەن تىكەلەي بايلانىستى ەمەس.
سارسەنبى كۇنى ءۇندىستاندا كوروناۆيرۋس جۇقتىرۋدىڭ 47262 جاڭا وقيعاسى مەن 275 ءولىم جاعدايى تىركەلگەن - بۇل بيىلعى جىلدا تىركەلگەن ەڭ جوعارى كورسەتكىش.
قۇرامىنا ەلدىڭ دەنساۋلىق ساقتاۋ مينيسترلىگىنىڭ باستاماسىمەن 10 جەتەكشى ۇلتتىق زەرتحانا كىرىپ وتىرعان ءۇندىستاننىڭ SARS- CoV-2 گەنوميكاسى جونىندەگى كونسورتسيۋمى (INSACOG) ۆيرۋستىڭ سوڭعى ۇلگىلەرىن گەندىك جاعىنان زەرتتەدى.
ناتيجەسىندە باتىستاعى ماحاراشترا شتاتىنان جينالعان ۇلگىلەردىڭ بولماشى بولىگىنەن وتكەن جىلدىڭ جەلتوقسان ايىمەن سالىستىرعاندا E484Q جانە L452R مۋتاتسيالارىنىڭ ۇلەسى بايقالىپ وتىرعانى انىقتالعان.
ۆيرۋستار مۋتاتسياعا ءجيى ۇشىراپ وتىرادى، الايدا ولار ۋىتتىلىقتىڭ ارتۋى نەمەسە اۋرۋدىڭ اسقىنۋىنا اكەلمەيدى. ولاي بولعانىمەن، كەيبىر مۋتاتسيالار، مىسالى، بريتاندىق نەمەسە وڭتۇستىكافريكالىق مۋتاتسيالارى ۆيرۋستى بۇدان دا جۇقپالى، ءتىپتى ولىمگە اكەلەتىندەي ەتە الادى.