قازاقستاندىق فۋتبول كلۋبى ونجىلدىقتىڭ ۇزدىك كلۋبتارىنىڭ رەيتينگىنە كىردى

نۇر-سۇلتان. قازاقپارات - فۋتبول تاريحى مەن ستاتيستيكاسى حالىقارالىق فەدەراتسياسى (IFFHS) ونجىلدىقتاعى ۇزدىك كلۋبتاردىڭ ءتىزىمىن جاريالادى.

ونىڭ اراسىندا قازاقستاندىق «استانا» كلۋبى دا بار، دەپ حابارلايدى قازاقپارات Sports.kz سايتىنا سىلتەمە جاساپ.

ۇزدىك كلۋب رەتىندە يسپانيانىڭ «بارسەلونا» كومانداسى اتالدى. سونداي-اق، ۇزدىكتەر «بەستىگىندە» «رەال مادريد» (يسپانيا)، «باۆاريا» (گەرمانيا)، پ س ج (فرانسيا) جانە «اتلەتيكو» (يسپانيا) بار.

رەيتينگتە ۇسىنىلعان 140 كوماندانىڭ ىشىندە قازاقستاندىق كلۋب تا بار. «استانا» كومانداسى سوڭعى 139-ورىندى «مالمە» (شۆەتسيا) كومانداسىمەن ءوزارا بولىسكەن. IFFHS- ءتىڭ رەيتينگتى قۇراستىرار كەزدە كلۋبتاردىڭ 2011-جىلعى قاڭتار ايىنان 2020-جىلدىڭ جەلتوقسانىنا دەيىنگى ارالىقتا رەسمي جارىستارداعى تابىستارى ەسەپكە الىنعان.