اراسىندا رەنجىپ-اشۋلانعاندار دا بولعان. بۇل تۋرالى ونلاين بريفينگ بارىسىندا قازاقستان رەستوراتورلار كلۋبى قاۋىمداستىعىنىڭ باسشىسى گۇلنار كاتىبايەۆا ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، رەستوراتورلاردىڭ بىرنەشە چاتى بار. جاڭادان اشىلعان كاسىپكەرلىك نىساندارىنىڭ يەسى ءبىر اپتاعا جۇمىس توقتايدى دەگەن جاڭا قاۋلىنى جاقسى قابىلداعان جوق.
«بۇل تۇسىنىكتى جاعداي. ونىڭ ۇستىنە شەكتەۋ شارالارى حالىق دەمالاتىن مەرەكە كۇندەرىمەن تۇسپا تۇس كەلەتىن بولعان سوڭ اشۋلانعاندار بولدى. ال بۇرىننان جۇمىس ىستەپ جۇرگەن رەستوراتورلار بايسالدىلىق تانىتتى»، - دەيدى ول. سونىمەن قاتار، ول قازىر قالادا ينفەكسيانىڭ ءورشىپ تۇرعانىن تىلگە تيەك ەتتى.
«قازىر حالىقتىڭ كوبى اۋىرىپ جاتىر. ونىڭ ىشىندە كاسىپكەرلەردىڭ تۋىستارى دا، تانىستارى دا، وزدەرى دە بار بولۋى مۇمكىن. سوندىقتان ارينە، العاشقى ەموتسيالار باسىلعان سوڭ ولار دەنساۋلىقتىڭ ماڭىزدىراق ەكەنىن ءتۇسىندى. قالىپتى جۇمىس رەجيمىنە ورالۋ ءۇشىن ءبىر اپتا تالاپتى قاتاڭ ساقتاپ، ەپيدەميولوگيالىق جاعدايدى وڭالتۋ قاجەت ەكەنىن وزدەرى دە ايتتى»، - دەيدى گۇلنار كاتىبايەۆا.
اۆتور: الما مۇقانوۆا